ଜଳେଶ୍ୱରରୁ ଜବତ ହେଲା ଧଳା ଜହର, ବେପାରୀ ଗିରଫ

ଲକ ଡାଉନରେ ବି ଥମୁନି ଧଳା ଜହାର କାରବାର । ବ୍ରାଉନ ସୁଗାରର ହବ ପାଲଟିଥିବା ବାଲେଶ୍ୱର ଜିଲ୍ଲା ଜଳେଶ୍ୱରରେ ବେଫିକର ବ୍ରାଉନ ସୁଗାର ବେପାରୀ । ସୂଚନା ମୁତାବକ ଜଳେଶ୍ୱର ଥାନା ଅନ୍ତର୍ଗତ ଶେକସରାଇ ଗାଁରେ ସୁକୁମାର ଦାସଗୁପ୍ତା ଦୀର୍ଘ ଦିନ ବ୍ରାଉନ ସୁଗାର କାରବାର କରି ଆସୁଥିଲେ । ଲକଡାଉନ ସମୟରେ ବ୍ରାଉନ ସୁଗାର ନେବା ନିମନ୍ତେ ତାଙ୍କ ଘର ସମ୍ମୁଖରେ ପ୍ରତିଦିନ ଭିଡ ଲାଗୁଥିଲା । ଏହାପରେ ସ୍ଥାନୀୟ ବାସିନ୍ଦା ସୁକୁମାରଙ୍କ ଉପରେ ନଜର ରଖିଥିଲେ । ତେବେ ଆଜି ସକାଳୁ ବ୍ରାଉନ ସୁଗାର କାରବାର କରୁଥିବା ସମୟରେ ଗ୍ରାମବାସୀ ସୁକୁମାରକୁ ଅଟକ ରଖିଥିବା ବେଳେ ଅନ୍ୟ ସହଯୋଗୀ ଖସିପଳାଇ ଥିଲେ ।

ଖବର ପାଇ ପୋଲିସ ଘଟଣା ସ୍ଥଳରେ ପଂହଚିବା ସହ ସୁକୁମାରକୁ ଗିରଫ କରିଛି । ଏହା ସହ କିଛି ବ୍ରାଉନ ସୁଗାର ମଧ୍ୟ ତାଙ୍କ ନିକଟରୁ ଜବତ କରିଛି ।