ଜମ୍ମୁ କଶ୍ମୀର: ସୁରକ୍ଷାବାହିନୀର ଗୁଳିରେ ୨ ଜଣ ଆତଙ୍କବାଦୀ ନିହତ, ଅପରେଶନ ଜାରି

କୁଲଗାମ, ଅକ୍ଟୋବର ୧୦ : ଜମ୍ମୁ କଶ୍ମୀରର କୁଲଗାମରେ ସୁରକ୍ଷାବାହିନୀ ଓ ଆତଙ୍କବାଦୀମାନେ ମୁହାଁମୁହିଁ ହୋଇଛନ୍ତି । ଶୁକ୍ରବାର ବିଳମ୍ବିତ ରାତିଠାରୁ ଆରମ୍ଭ ହୋଇଥିବା ଏହି ଏନକାଉଣ୍ଟରରେ ୨ ଜଣ ଆତଙ୍କବାଦୀ ନିହତ ହୋଇଛନ୍ତି । ମୃତ ୨ ଆତଙ୍କବାଦୀଙ୍କର ପରିଚୟ ମିଳିପାରି ନାହିଁ । ତେବେ ସୁରକ୍ଷା ବାହିନୀର ଯବାନଙ୍କୁ ଗୁଳି ବନ୍ଧୁକ ମିଳିଛି । ରିପୋର୍ଟ ଲେଖାଯିବା ବେଳକୁ ସୁରକ୍ଷାବାହିନୀର ଯବାନମାନେ ଅପରେଶନ ଅଭିଯାନ ଜାରି ରଖିଛନ୍ତି ।

କଶ୍ମୀର ଜୋନ ପୋଲିସ ଗଣମାଧ୍ୟମକୁ କହିଛି ଯେ କୁଲଗାମର ଚିଙ୍ଗାମ ଅଂଚଳରେ ଏହି ଏନକାଉଣ୍ଟର ହୋଇଛି । ଏହି ଅଂଚଳରେ ୨ରୁ ୩ ଜଣ ଆତଙ୍କବାଦୀ ଥିବା ସୁରକ୍ଷାବାହିନୀକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା । ଆତଙ୍କବାଦୀଙ୍କୁ ସୁରକ୍ଷାବାହିନୀର ଯବାନମାନେ କଡ଼ା ଜବାବ ଦେଉଛନ୍ତି । ସଂପୃକ୍ତ ଅଂଚଳକୁ ଘେରାବନ୍ଦୀ କରାଯାଇଛି ।