ଜବତ ପଥର ଗାଡିକୁ ଛଡାଇ ନେଲେ ଦୁର୍ବୃତ୍ତ

ଗଁଦିଆ : ଢେଙ୍କାନାଳ ଜିଲ୍ଲା ଗଁଦିଆ ବ୍ଲକ ନିହଲ ପ୍ରସାଦ ଥାନା ଅନ୍ତର୍ଗତ ଅସନବାହାଳି ପଥର ଖଣିରୁ ଚୋରା ପଥର ବୋଝେଇ ଏକ ଟ୍ରକ୍ ଆସୁଥିବା ବେଳେ ସ୍ଥାନୀୟ ତହସିଲଦାର ପଥର ଗାଡିକୁ ଜବତ କରିଥିଲେ ।

ଜବତ ଗାଡିକୁ କିଛି ସମୟପରେ ଦୁର୍ବୃତ୍ତମାନେ ପହଞ୍ଚି ତହସିଲଦାରଙ୍କୁ ଠେଲାପେଲା କରିବାସହ ଗାଡିଟିକୁ ଧରି ପଳାଇଥିବା ସ୍ଥାନୀୟ ଲୋକଙ୍କ ଠାରୁ ପ୍ରକାଶ । ସ୍ଥାନୀୟ ଅଞ୍ଚଳରେ ବାରମ୍ବାର ଚୋରାପଥର କଟା ଯାଇ ଚାଲାଣ ହେଉଥିବା ବେଳେ ପ୍ରଶାସନ କୌଣସି ଆଖି ଦୃଶିଆ ପଦକ୍ଷେପ ନନେବା ଫଳରେ ଦୁର୍ବୃତ୍ତମାନେ ସକ୍ରିୟ ହେଉଛନ୍ତି ।