ବାଲେଶ୍ବର/ସୋର : ଟଙ୍କା ଚୋରି ଅଭିଯୋଗରେ ସୋର ଉତ୍ତେରେଶ୍ବରରେ ଜଣେ ନାବାଳକକୁ ଖୁଣ୍ଟରେ ବାନ୍ଧି ନିସ୍ତୁକ ମାଡ଼ ମାରିବା ଘଟଣାକୁ ନେଇ ଆଲୋଡ଼ନ ସୃଷ୍ଟି ହୋଇଛି। ଭଦ୍ରକ ଅଞ୍ଚଳର ଏହି ନାବାଳକ ଜଣକୁ ଚୋରି ହୋଇଥିବା ପରିବାର ଲୋକ ଖୁଣ୍ଟରେ ବାନ୍ଧି ପିଟୁଥିବା ବେଳେ ଶହଶହ ଦେଖଣାହାରୀ ଏହାର ପ୍ରତିବାଦ ନ କରି ମଜା ନେଉଥିବା ଦେଖିବାକୁ ମିଳିଛି। ଖବରପାଇ ସୋର ପୁଲିସ ଘଟଣାସ୍ଥଳରେ ପହଞ୍ଚିବା ବେଳକୁ ସମ୍ପୃକ୍ତ ନାବାଳକକୁ ପିଟିଥିବା ପରିବାର ଅପହରଣ କରି ନେଇଛନ୍ତି। ଏ ସମୁଦାୟ ଘଟଣାରେ ସୋର ପୁଲିସ ନିଦାବିଷ୍ଣୁ ସାଜିଛି। ଏତେବଡ଼ ଘଟଣାଟିଏ ଘଟିଯାଇଥିଲେ ରାତି ୯ଟା ସୁଦ୍ଧା ଜିଲ୍ଲା ପୁଲିସର ବରିଷ୍ଠ ଅଧିକାରୀମାନେ ଏପରି ସମ୍ବେଦନଶୀଳ ଘଟଣା ବିଷୟରେ ଜାଣିନପାରିବା ପାରିବାପଣିଆ ଓ ଯୋଗାଯୋଗର ଅଭାବକୁ ଦର୍ଶାଉଛି।
ଏହି ଘଟଣା ଆଜି ଦିନତମାମ୍ ସୋର ଅଞ୍ଚଳରେ ଚର୍ଚ୍ଚାର ବିଷୟ ହୋଇଥିବା ବେଳେ ପୁଲିସ କିନ୍ତୁ କିଛି ଜାଣିପାରୁନି। ଦିନବ୍ୟାପୀ ବୈଦ୍ୟୁତିକ ଗଣମାଧ୍ୟମରେ ଏହି ଖବର ଶୀର୍ଷକ ପାଲଟିଥିବା ବେଳେ ପୁଲିସ କିନ୍ତୁ ରିପୋର୍ଟ ହୋଇନାହିଁ ବୋଲି ନିଦକରେ ବସିଛି। ଏପରି ସମ୍ବେଦନଶୀଳ ଘଟଣାରେ ସୋର ପୁଲିସର ଏପରି ଆଭିମୁଖ୍ୟକୁ ବିଭିନ୍ନ ମହଲରୁ ନିନ୍ଦା କରାଯାଇଛି।
Prasanta Patnaik