ଚିକିତ୍ସାଧୀନ ଅବସ୍ଥାରେ ବିଶିଷ୍ଟ ଶ୍ରମିକ ନେତା ଓ ସମାଜସେବୀ ଲଳିତ ନାୟକଙ୍କ ପରଲୋକ

ବଲାଙ୍ଗିର, ଜାନୁଆରୀ ୧୮ : ଅସହାୟ ଓ ଦୁଃଖୀଙ୍କ ଦରଦୀ ବନ୍ଧୁ ତଥା ଓଡ଼ିଶାର ବିଶିଷ୍ଟ ଶ୍ରମିକ ନେତା ଓ ସମାଜସେବୀ ଲଳିତ ନାୟକଙ୍କ ଆଜି ଚିକିତ୍ସାଧୀନ ଅବସ୍ଥାରେ ପରଲୋକ ହୋଇଛି । 

ଦୀର୍ଘ ୬ ମାସ ହେଲା ସେ ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଥିଲେ । ଦୀର୍ଘ ଦିନ ହେବ କ୍ୟାନସରରେ ପିଡିତ ହେବା ପରେ ଆଜି ଶେଷ ନିଶ୍ୱାସ ତ୍ୟାଗ କରିଛନ୍ତି ଏହି ବିଶିଷ୍ଟ ଶ୍ରମିକ ନେତା । 

ସେ କ୍ୟାନସର ସହିତ କରୋନାରେ ମଧ୍ୟ ଆକ୍ରାନ୍ତ ହୋଇଥିଲେ । ପୂର୍ବରୁ ଏକ ଘରୋଇ ହସ୍ପିଟାଲରେ ଚିକିତ୍ସା ହେଉଥିବା ବେଳେ ଗତ ୬ମାସ ଧରି ସେ ଭୁବନେଶ୍ୱର ଏମ୍ସରେ ଚିକିତ୍ସାଧୀନ ଥିଲେ ।

ତେବେ ଆଜି ଏଭଳି ଏକ ମହାନ ବ୍ୟକ୍ତିଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଟ୍ୱିଟ କରି ଶୋକ ପ୍ରକାଶ କରିଛନ୍ତି । ଶ୍ରୀ ଲଳିତ ନାୟକ ଏକା ସଙ୍ଗେ ୫୦ ଟି ସଂଗଠନର ସଭାପତି ଭାବେ କାର୍ଯ୍ୟ ତୁଲାଉଥିଲେ । ସବୁ ସମୟରେ ଦୁଃଖୀ ଓ ଅସହାୟଙ୍କୁ ସାହାର୍ଯ୍ୟ କରିଆସୁଥିବା ଜଣେ ଦରଦୀ ମଣିଷଙ୍କ ପରଲୋକରେ ସମସ୍ତେ ତାଙ୍କ ପାଇଁ ଶୋକ ପ୍ରକାଶ କରିଛନ୍ତି ।