174 Views
କେନ୍ଦୁଝର, ଡିସେମ୍ବର ୪ : କେନ୍ଦୁଝର କାଞ୍ଜିଆପାଣି ଘାଟିରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । କାଞ୍ଜି ପାଣି ଘାଟିରେ ଏକ ନଳକୂପ ଖୋଳା ଗାଡି ଓଲଟି ପଡିବା ଦ୍ୱାରା ଜଣଙ୍କର ମୃତ୍ୟୁ ହୋଇଥିବାବେଳେ ୭ ଜଣ ଆହତ ହୋଇଛନ୍ତି । ଆହତମାନଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ମୃତକ ଜଣକ ହେଲେ ଛତିଶଗଡର ଧରମ ଯାଦବ ।
ଗତକାଲି ବିଳମ୍ବିତ ରାତିରେ ତେଲକୋଇକୁ ଯାଉଥିବା ସମୟରେ ଗାଡ଼ିଟି ଦୁର୍ଘଟଣାର ସମ୍ମୁଖୀନ ହୋଇଥିଲା । ଏଥିରେ ଥିବା ଲୋକଙ୍କ ମଧ୍ୟରୁ ଧରମ ଗାଡ଼ି ତଳେ ଚାପି ହୋଇଯାଇଥିଲେ । ସ୍ଥାନୀୟ ପୋଲିସ ଓ ଅଗ୍ନିଶମ ବିଭାଗ କର୍ମଚାରୀ ଘଟଣା ସ୍ଥଳରେ ପହଁଚି ତାଙ୍କୁ ଗାଡ଼ି ତଳୁ ମୃତ ଅବସ୍ଥାରେ ଉଦ୍ଧାର କରିଥିଲେ । ଅନ୍ୟମାନଙ୍କୁ ଉଦ୍ଧାର କରି ମେଡ଼ିକାଲରେ ଭର୍ତ୍ତି କରିଛନ୍ତି । ପୋଲିସ ମୃତ ଦେହକୁ ବ୍ୟବଚ୍ଛେଦ ପାଇଁ ପଠାଇ ଦେଇ ତଦନ୍ତ ଆରମ୍ଭ କରିଛି ।
Prasanta Patnaik