ଗୋଟିଏ ରାତିରେ ୩ ଦୋକାନରୁ ଚୋରି

ରାଉରକେଲା, ୨୧ା୯ : ଗୋଟିଏ ରାତିରେ ସେକ୍ଟର-୧୮ ମାର୍କେଟର ୩ ଦୋକାନରୁ ଚୋରି ହୋଇଛି । ଏନେଇ ସେକ୍ଟର-୧୫ ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି । ସେକ୍ଟର-୧୮ ମାର୍କେଟର ଶଶୀ ଷ୍ଟୋରର ତାଲା ଭାଙ୍ଗି ଚୋର ଦଳ ନଗଦ ୧୫ ହଜାର ଟଙ୍କା ସମେତ ଅନ୍ୟାନ୍ୟ ଜିନିଷପତ୍ର ଚୋରି କରି ନେଇଥିବା ଥାନାରେ ଅଭିଯୋଗ ହୋଇଛି ।

ସେହିପରି ଶ୍ରୀରାମ ଭେରାଇଟି ଷ୍ଟୋର ତାଲା ଭାଙ୍ଗି ଚୋରମାନେ ନଗଦ ୧୦ ହଜାର ଟଙ୍କା ସମେତ ବିଭିନ୍ନ ଜିନିଷପତ୍ର ଚୋରି କରି ନେଇଥିବା ଅଭିଯୋଗ ହୋଇଛି । ଅନୁରୂପ ଭାବେ ସୂର୍ଯ୍ୟ ଇଲେକ୍ଟ୍ରିକାଲରୁ ଚୋରମାନେ ବିଭିନ୍ନ ବ୍ରାଣ୍ଡର ମୂଲ୍ୟବାନ ଏଲ୍ଇଡି ବଲ ସମେତ ଅନ୍ୟାନ୍ୟ ଜିନିଷପତ୍ର ଚୋରି କରି ନେଇଛନ୍ତି । ଗୋଟିଏ ରାତିରେ ତିନିଟି ଦୋକାନରୁ ଚୋରି ଘଟଣାକୁ ନେଇ ବ୍ୟବସାୟୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।