ଭୁବନେଶ୍ୱର, ଜାନୁଆରୀ 06 : ରାଜ୍ୟରେ କମୁଛି କରୋନା ପ୍ରଭାବ । ଗତ 24 ଘଣ୍ଟାରେ ରାଜ୍ୟରେ ଆଉ 231 ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ତେବେ ରାଜ୍ୟ ପାଇଁ ଏକ ଖୁସି ଖବର ମଧ୍ୟ ରହିଛି । ରାଜ୍ୟରୁ 24 ଘଣ୍ଟା ମଧ୍ୟରେ କୋଣସି କରୋନା ସଂକ୍ରମିତ ପ୍ରାଣ ହରାଇନାହାନ୍ତି ।
28 ଟି ଜିଲ୍ଲା ଓ ଷ୍ଟେଟପୁଲ୍ରୁ ଏହି ଆକ୍ରାନ୍ତମାନେ ଚିହ୍ନଟ ହୋଇଛନ୍ତି 231 ଜଣ । ଏହି ଆକ୍ରାନ୍ତଙ୍କ ମଧ୍ୟରୁ 133 ଜଣ କ୍ୱାରେଣ୍ଟାଇନ୍ରେ ଓ ସ୍ଥାନୀୟ ସଂକ୍ରମିତ 98 ଜଣ ହେଉଛନ୍ତି । ଅନୁଗୁଳ ଜିଲ୍ଲାରୁ ସର୍ବାଧିକ 21ଜଣ ରହିଛନ୍ତି । ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା 3,30,921 ପହଞ୍ଚିଥିବା ବେଳେ 326778 ଜଣ ସୁସ୍ଥ ହୋଇସାରିଛନ୍ତି । 2203 ଜଣ ଚିକିତ୍ସାଧୀନ ଅଛନ୍ତି ।
ରାଜ୍ୟରୁ 24 ଘଣ୍ଟା ମଧ୍ୟରେ କୋଣସି କରୋନା ସଂକ୍ରମିତ ପ୍ରାଣ ହରାଇ ନ ଥିବା ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ୍ ଯୋଗେ ସୂଚନା ପ୍ରଦାନ କରାଯାଇଛି । ଟ୍ୱିଟ୍ରେ ଉଲ୍ଲେଖ ରହିଛି ଯେ, ‘ଖୁସି ଖବର, ଦୀର୍ଘ ୬ମାସ ପରେ ଜାନୁଆରୀ ୫ ତାରିଖରେ ରାଜ୍ୟରେ କୋଣସି ବି କରୋନା ସଂକ୍ରମିତ ପ୍ରାଣ ହରାଇନାହାନ୍ତି । ଯେଉଁ କୋଭିଡ୍ ଯୋଦ୍ଧାମାନେ ଅପ୍ରାଣ ଉଦ୍ୟମ କରି ଏହାକୁ ସମ୍ଭବ କରିଛନ୍ତି ଆମେ ସେମାନଙ୍କୁ ସାଲ୍ୟୁଟ୍ କରୁଛୁ ।’
Prasanta Patnaik