ରାଉରକେଲା, ୩୦ା୧୦ : କୋଏଲନଗର ଏନ୍ଏସି ମାର୍କେଟ୍ ଭେଣ୍ଡିଂଜୋନ-ଫୁଡ୍କୋର୍ଟ ପରିସରରେ ଗଜଲକ୍ଷ୍ମୀ ପୂଜା ଉତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି । ବିଧିମତେ ମା’ଙ୍କ ପୂଜାର୍ଚ୍ଚନା, ଆଳତୀ, ପ୍ରସାଦ ସେବନ ଆଦି ଭକ୍ତି ଓ ନିଷ୍ଠାର ସହ ଅନୁଷ୍ଠିତ ହେବା ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ଆୟୋଜନ କରାଯାଇଥିଲା । ଏହି ଅବସରରେ ସନ୍ଧ୍ୟାରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ସମାଜସେବୀ ତଥା ପୃଷ୍ଠପୋଷିକା ପଦ୍ମାବତୀ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।
ସାରନଗରୀ ସ୍ଥିତ ବିଜୟ ଡ୍ୟାନ୍ସଗ୍ରୁପ୍ ପକ୍ଷରୁ ଶାସ୍ତ୍ରୀୟ, ପାଶ୍ଚାତ୍ୟ ଓ ପାରମ୍ପରିକ ଏକକ, ଦୈତ୍ୟ ଓ ଦଳଗତ ନୃତ୍ୟ ପରିବେଷଣ କରାଯାଇଥିବା ବେଳେ ବିଲମ୍ବିତ ରାତ୍ରୀ ପର୍ଯ୍ୟନ୍ତ ବହୁ ସଂଖ୍ୟାରେ ଶ୍ରଦ୍ଧାଳୁମାନେ କାର୍ଯ୍ୟକ୍ରମ ଉପଭୋଗ କରିଥିଲେ । ମାର୍କେଟ୍ କମିଟି ସଭାପତି ଦିଗମ୍ବର ପାଣି ଓ ସମ୍ପାଦକ ଗଙ୍ଗାଧର ବେହେରାଙ୍କ ତତ୍ତ୍ୱାଧାନରେ ଆୟୋଜିତ କାର୍ଯ୍ୟକ୍ରମ ପରିଚାଳିତ ହୋଇଥିଲା । ମିହିର ମିଶ୍ର, ବିକାଶ ମାନସିଂହ, ଅଜୟ ରଥ, ରତ୍ନାକର ସାମଲ, ରାଜୁ ସାହୁ, ଅଶୋକ ବଡାଇକ, ସରୋଜ ପ୍ରଧାନ, ଡି.ଡି. ଦାଶ ଓ ଅଶୋକ ମହାନ୍ତି ପ୍ରମୁଖ ତାଙ୍କୁ ସହଯୋଗ କରିଥିଲେ ।
Prasanta Patnaik