କୂଅରୁ ୨ ଭଉଣୀଙ୍କ ମୃତ ଦେହ ଉଦ୍ଧାର, କାରଣ ଅସ୍ପଷ୍ଟ

ଆଜି ସକାଳୁ ଦୁହିଁଙ୍କର ମୃତଦେହକୁ ଅଗ୍ନିଶମ ବିଭାଗ କର୍ମଚାରୀମାନେ କୂଅ ଭିତରୁ ଉଦ୍ଧାର କରିଛନ୍ତି। ଘର ପାଖରେ ଥିବା କୂଅରୁ ସେମାନଙ୍କ ମୃତଦେହ ଉଦ୍ଧାର କରାଯାଇଛି। ଏହି ଘଟଣାରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।

ବିବାହ ପ୍ରସ୍ତାବ ଭାଂଗି ଯିବାରୁ ମାନସିକ ଭାରସାମ୍ୟ ହରାଇ ସେମାନେ ଗତକାଲି ବିଳମ୍ବିତ ରାତିରେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ସୂଚନାନୁସାରେ, ପ୍ରମୋଦ ଆଚାରୀଙ୍କର ୫ ଝିଅ ରହିଥିବାବେଳେ ମୃତ ସ୍ୱପ୍ନା ଆଚାରୀଙ୍କର ଜଣେ ରେଳ କର୍ମଚାରୀଙ୍କ ସହ ଓ ଅନ୍ୟ ମୃତକ କିରଣର ବିବାହ ଭୁବନେଶ୍ୱରରେ ସ୍ଥିର ହୋଇଥିଲା । ମାତ୍ର ପ୍ରମୋଦଙ୍କର ନିଜର ଜଣେ ଜ୍ୱାଇଁ ଏହି ପ୍ରସ୍ତାବକୁ ଭାଂଗି ଦେଇଥିଲେ। ଫଳରେ ମାନସିକ ଚାପରେ ଦୁହେଁ କୂଅରେ ଡେଇଁ ଆତ୍ମହତ୍ୟା କରିଥାଇପାରନ୍ତି ବୋଲି ବାପା ପ୍ରମୋଦ ଆଚାରୀ କହିଛନ୍ତି । ପୋଲିସ ଘଟଣାର ତଦନ୍ତ ଜାରି ରଖିଛି।