ନ୍ୟୁୟର୍କ : ଆମେରିକାର କାଲିଫର୍ଣ୍ଣିଆରେ ବଡ଼ ଧରଣର ଭୂକମ୍ପ ଅନୁଭୂତ ହୋଇଛି । ଗତକାଲି ରାତିରେ ମେକସିକୋ ସିଟିରେ ଅନୁଭୂତ ହୋଇଥିଲା ଭୂମିକମ୍ପ । ପ୍ରାରମ୍ଭିକ ଭାବେ ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ଥିଲା ୭.୧ । ତେବେ ପରବର୍ତ୍ତୀ ସମୟରେ ଏହା ୬.୯ ରହିଥିଲା । ବିଗତ ୨୦ବର୍ଷରେ ଏହା ସବୁଠାରୁ ବଡ ଭୂମିକମ୍ପ ବୋଲି କୁହାଯାଉଛି । ଭୂମିକମ୍ପ ଫଳରେ ବଡ ବଡ କୋଠାଘରକୁ କ୍ଷତି ପହଂଚିଥିବା ବେଳେ ନିଆଁ ଲାଗିବା ସହ ଅନେକ ଆହତ ହୋଇଛନ୍ତି । ପାଖାପାଖି ୧ ହଜାରରୁ ଅଧିକ ବିପର୍ଯ୍ୟୟ ପ୍ରଶମନ କର୍ମଚାରୀ ଉଦ୍ଧାର ପ୍ରକ୍ରିୟାରେ ସାମିଲ ହୋଇଛନ୍ତି ।
ଏହି ଖବର ପ୍ରସ୍ତୁତ ହେବା ଯାଏ ଭୂକମ୍ପରେ କେହି ମୃତାହତ ହୋଇଥିବା ଜଣାପଡ଼ି ନାହିଁ । ଭୂମିକମ୍ପ ହେବା କ୍ଷଣି ଲୋକେ ରାସ୍ତା ଉପରକୁ ଚାଲିଆସିଥିଲେ । ଆଉ ଘର ଭିତରେ ଫସିରହିଥିବା କିଛି ଲୋକମାନଙ୍କୁ ମଧ୍ୟ ଉଦ୍ଧାର କରାଯାଇଥିଲା । ଆମେରିକା ଜିଓଲଜିକାଲ ସର୍ଭେ ରିପୋର୍ଟ ଅନୁସାରେ ରିଜକ୍ରେଷ୍ଟଠାରୁ ୧୧ ମାଇଲ ଉତ୍ତର ପୂର୍ବରେ କେନ୍ଦ୍ରୀଭୂତ ହୋଇଥିଲା ଏହି ଭୂମିକମ୍ପ । ଫଳରେ କାଲିଫର୍ଣ୍ଣିଆରେ ଭୂମିକମ୍ପ ହୋଇଥିଲା ।
Prasanta Patnaik