ଜମ୍ମୁ, ଜୁଲାଇ ୨୦ : ଭାରତ ୨୦ତମ କାର୍ଗିଲ ବିଜୟ ଦିବସ ପାଳନ କରିବା ପୂର୍ବରୁ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଶନିବାର ଜମ୍ମୁ କଶ୍ମୀର ଗସ୍ତ କରୁଛନ୍ତି । ରାଜନାଥ ସିଂହ ଦିନସାରା ଆଜି ଜମ୍ମୁ କଶ୍ମୀରରେ ରହିବେ । ପ୍ରତିରକ୍ଷା ବିଭାଗ ପକ୍ଷରୁ ଜାତୀୟ ଗଣମାଧ୍ୟମକୁ ମିଳିଥିବା ସୂଚନା ଅନୁସାରେ ରାଜନାଥ ସିଂହଙ୍କ ସହିତ ସେନା ମୁଖ୍ୟ ଜେନେରାଲ ବିପିନ ରାଓତ ମଧ୍ୟ ସାଥୀରେ ରହିବେ ।
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଡ୍ରାସରେ ଥିବା ଯୁଦ୍ଧ ସ୍ମାରକ ପୀଠରେ ଶ୍ରଦ୍ଧାଞ୍ଜଳି ଦେବେ । ଏହା ପରେ ସେ ଲଦାଖ ଅଂଚଳରେ ଥିବା ନିୟନ୍ତ୍ରଣ ରେଖା ପରିଦର୍ଶନରେ ଯିବେ । ସେଠାରେ ମୁତୟନ ଥିବା ସେନା, ସୁରକ୍ଷା ଓ ସେନା ସାମଗ୍ରୀ ଉପରେ ରାଜନାଥ ସିଂହ ସମୀକ୍ଷା କରିବେ ।
ଦିବସ ବ୍ୟାପୀ ଗସ୍ତ କାଳରେ ରାଜନାଥ ସିଂହ ସାମ୍ବା ଓ କାଠୁଆ ଜିଲ୍ଲାରେ ନବନିର୍ମିତ ବ୍ରିଜ ଉଦଘାଯନ କରିବେ । ବିଜେପ କେନ୍ଦ୍ରରେ ୨ୟ ଥର କ୍ଷମତାକୁ ଆସିବା ପରେ ରାଜନାଥ ସିଂହଙ୍କୁ ପ୍ରତିରକ୍ଷା ଦାୟିତ୍ୱ ମିଳିଛି । ପ୍ରତିରକ୍ଷା ମନ୍ତ୍ରୀ ଭାବେ ଦାୟିତ୍ୱ ନେବା ପରେ ରାଜନାଥଙ୍କର ଏହା ହେଉଛି ପ୍ରଥମ ଗସ୍ତ । ସୂଚନାଯୋଗ୍ୟ ଯେ, ଭାରତୀୟ ସେନା ୧୯୯୯ ଜୁଲାଇ ୨୬ରେ କାର୍ଗିଲ ଯୁଦ୍ଧରେ ବିଜୟୀ ହୋଇଥିଲେ । ସେହିଦିନ ଠାରୁ ପ୍ରତିବର୍ଷ କାର୍ଗିଲ ବିଜୟ ଦିବସ ପାଳନ ହୋଇଆସୁଛି ।
Prasanta Patnaik