ମୋଦୀ ପୁଣି କହିଛନ୍ତି କି, ଶିଖ୍ ଦଙ୍ଗାର ଦୋଷୀଙ୍କୁ ସଜା ମିଳିବାକୁ ନେଇ କେହି ଚିନ୍ତା କରି ନଥିଲେ । ଲୋକଙ୍କୁ ନ୍ୟାୟ ମିଳିଛି । ଚାରି ବର୍ଷ ପୂର୍ବେ ହୋଇଥିବା ହେଲିକାପ୍ଟର ଘୋଟାଲାରେ ଏତେ ବଡ ରାଜନୀତିଜ୍ଞ କ୍ରିଶ୍ଚିୟନ ମିଶେଲ ଭାରତରେ ଅଛନ୍ତି । କଣ କେହି ଭାବିଥିଲେ ଭାରତ ଏତେ ଶୀଘ୍ର ଫାଇଭ ଟ୍ରିଲିୟନ ଡଲାର ଇକୋନୋମିକ କ୍ଲବରେ ସାମିଲ ହେବା ତରଫକୁ ନିଜ ପାଦ ବଢାଇବ । କେହି ଭାବିଥିଲେ କି, ଇଜ ଅଫ୍ ଡୁଇଙ୍ଗ୍ ବିଜନେସର ର୍ୟାକିଙ୍ଗରେ ୧୪୨ରୁ ୭୭ ନିକଟକୁ ଆସିଯିବ । ଭାରତ ଟପ୍ ୫୦ରେ ଆସିବା ପାଇଁ ଆଗକୁ ବଢୁଛି । ଭାରତରେ ଟ୍ରେନରେ ଯାତ୍ରା କରୁଥିବା ଲୋକ ବିମାନରେ ଯାତ୍ରା କରୁଛନ୍ତି ।
ମୋଦୀ କହିଛନ୍ତି କି, କଣ ଚାରି ବର୍ଷ ପୂର୍ବେ କେହି ଭାବିଥିଲେ ପରିବା ବାଲା ଏବଂ ଚା ବାଲା ଭିମ୍ ଆପ ବ୍ୟବହାର କରିବେ । ସେମାନେ ଏବେ ନିଜ ପକେଟରେ ରୁପେ କାର୍ଡ ରଖି ଆତ୍ମବିଶ୍ୱାସ ବଢାଉଛନ୍ତି । ଚାରି ବର୍ଷ ପୂର୍ବେ କଣ କେହି ଭାବିଥିଲେ କି, ଭାରତର ନ୍ୟାସନାଲ ୱାଟୱେଜ ହେବ । କୋଲକତାରୁ ଏକ ଜାହାଜ ଗଙ୍ଗା ନଦୀରେ ଚାଲିବ ଏବଂ ବନାରସ ପର୍ଯ୍ୟନ୍ତ ଜିନିଷ ନେଇ ଯିବ ।
Prasanta Patnaik