194 Views
ବ୍ରହ୍ମପୁର, ଜାନୁଆରୀ 30 : ରାଜ୍ୟରେ ଦିନକୁ ଦିନ ବୃଦ୍ଧି ପାଉଛି ଗଞ୍ଜେଇ ଚାଲାଣ କାରବାର । ପୁଣି ବ୍ରହ୍ମପୁରରୁ ଜବତ ହେଲା 2 ଟନ ଗଞ୍ଜେଇ । କୁକୁଡା ଖାଦ୍ୟ ଟ୍ରକରେ ଚାଲାଣ ବେଳେ ଧରିଲା ଅବକାରୀ ଗୁଇନ୍ଦା ବିଭାଗ ।
କୋରାପୁଟରୁ ଉତ୍ତରପ୍ରଦେଶ ଚାଲାଣ ବେଳେ 2 ଟନ ଗଞ୍ଜେଇ ଜବତ ହୋଇଛି । ଜାତୀୟ ରାଜପଥ 16ର ବ୍ରହ୍ମପୁର କନିଷି ନିକଟରେ ଗଞ୍ଜେଇ ଚାଲାଣ ଗାଡିକୁ ଅବକାରୀ ଗୁଇନ୍ଦା ବିଭାଗ ଯାଞ୍ଚ କରିଥିଲା । ସେଥିରେ କୁକୁଡା ଖାଦ୍ୟ ବୋଝେଇ ହୋଇ ନିଆଯାଉଥିଲା । ସେହି ଗାଡିରେ ଉପରେ କୁକୁଡା ଖାଦ୍ୟ ଓ ଭିତରେ ଥିଲା 2 ଟନ ଗଞ୍ଜେଇ । ଡ୍ରାଇଭରକୁ ଅଟକ୍ ରଖି ପଚରାଉଚରା କରାଯାଉଛି । ଏହି ଚେର କେତେ ଦୂର ଲମ୍ବିଛି ତାହା ଜଣାପଡିବ ବୋଲି ଆଶଙ୍କା କରାଯାଉଛି । ପୂର୍ବରୁ ନଡ଼ିଆ କତା ବୋଝେଇ ଟ୍ରକରେ ଗଞ୍ଜେଇ ଚାଲାଣ ହେବା ସମୟରେ ଅବକାରୀ ଗୁଇନ୍ଦା ବିଭାଗ ଧରିଥିଲା ।
Prasanta Patnaik