ଉତ୍ତର ପ୍ରଦେଶ ବୋର୍ଡ ପରୀକ୍ଷାର ଦ୍ୱିତୀୟ ଦିନ: ଯାଞ୍ଚ କଡ଼ାକଡ଼ି ହେବାରୁ ପରୀକ୍ଷା ଦେଲେନି ୪୦ ହଜାରରୁ ଅଧିକ ପିଲା

ଲକ୍ଷ୍ନୌ: ଶୁକ୍ରବାର ଦ୍ୱିତୀୟ ଦିବସରେ ପହଞ୍ଚିଥିବା ଚଳିତ ଉତ୍ତର ପ୍ରଦେଶ ବୋର୍ଡ ପରୀକ୍ଷାକୁ ପ୍ରାୟ ୪୦, ୩୯୨ ଜଣ ପିଲା ଏଡ଼ାଇ ଦେଇ ଛନ୍ତି। ପ୍ରଥମ ଦିନ ୨୦, ୬୭୪ ଜଣ ପିଲା ପରୀକ୍ଷା ଦେବାକୁ ଆସି ନ ଥିଲେ ବୋଲି ଉତ୍ତର ପ୍ରଦେଶ ମାଧ୍ୟମିକ ଶିକ୍ଷା ପରିଷଦ୍‌ ଶୁକ୍ରବାର ଦେଇଥିବା ହିସାବରୁ ଜଣା ପଡ଼ିଛି।

ଉତ୍ତର ପ୍ରଦେଶ ବୋର୍ଡ ସେକ୍ରେଟାରି ନୀନା ଶ୍ରୀବାସ୍ତବ କହନ୍ତି: ପ୍ରାୟ ୪୦, ୩୯୨ ଜଣ ପିଲା ପରୀକ୍ଷା ଦେବାକୁ ଆସି ନାହାନ୍ତି। ପ୍ରଥମ ଦୁଇ ଦିନ ପରୀକ୍ଷା ପରେ ଉପସ୍ଥିତ ହୋଇଥିବା ପିଲାଙ୍କ ଉପସ୍ଥାନ ମେଳ କରି ଏ କଥା ଜାଣି ହୋଇଛି। ‘କପି’ର ଅବସାନ ନିମନ୍ତେ କଠୋର ପଦକ୍ଷେପ ଗ୍ରହଣ କରାଯିବାରୁ କି, ଅନ୍ୟ କିଛି କାରଣ ପାଇଁ ଏମିତି ହୋଇ ଆମେ ଠିକ୍‌ ଭାବେ କହି ପାରିବୁ ନାହିଁ।