ଇନରହୁଇଲ ରାଉରକେଲା ମିଡ୍ ଟାଉନ ଶାଖାର କର୍ମକର୍ତ୍ତାଙ୍କ ଶପଥ ଗ୍ରହଣ ଉତ୍ସବ

ରାଉରକେଲା, ୧୫/୭ : ଆନ୍ତର୍ଜାତିକ ମହିଳା ସଙ୍ଗଠନ ଇନରହୁଇଲ ରାଉରକେଲା ମିଡ୍ ଟାଉନ ଶାଖାର କର୍ମକର୍ତ୍ତାଙ୍କ ଶପଥ ଗ୍ରହଣ ଉତ୍ସବର ଅନୁଷ୍ଠିତ ହୋଇଯାଇଛି । ରୋଟାରୀ କ୍ଲବ୍ ରାଉରକେଲା ମିଡ୍ ଟାଉନ ସହ ଏହି ଅଧିଷ୍ଠାନ ସମାରୋହ ଯୁଗ୍ମ ଭାବେ ଅନୁଷ୍ଠିତ ହୋଇଥିଲା । ଅତିଥିମାନଙ୍କୁ ସ୍ୱାଗତ ଭାଷଣ ଜଣାଇ ପୂର୍ବତନ ସଭାପତି ମାଧବୀ ପୁରୋହିତ ନବନିର୍ବାଚିତ ସଭାପତି ପ୍ରତିମା ମହାପାତ୍ରଙ୍କୁ କଲାର ଓ ବ୍ୟାଚ୍ ଲଗାଇ ପଦଭାର ଗ୍ରହଣ କରାଇଥିଲେ ।

ସେହିପରି ବିଦାୟୀ ସମ୍ପାଦକ ଅଞ୍ଜୁ ଗର୍ଗ ବାର୍ଷିକ ବିବରଣୀ ପାଠ କରିବା ସହ ନୂତନ ସମ୍ପାଦକ ନୀତୁ ଅଗ୍ରୱାଲଙ୍କୁ କ୍ଲବ୍ ଚାର୍ଟର ଅର୍ପଣ କରି ଦାୟିତ୍ୱ ହସ୍ତାନ୍ତର କରିଥିଲେ । ଏହି ଅବସରରେ ନୂତନ କାର୍ଯ୍ୟକାରିଣୀର ଘୋଷଣା କରାଯାଇଥିଲା । ରୋଟାରୀ ଡିଷ୍ଟ୍ରିକ୍ଟ ୩୨୬୧ର ଡିଜିଇ ରଂଜିତ ସିଂ ସାଇନି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଓ ଇନରହୁଇଲ ଡିଷ୍ଟ୍ରିକ୍ଟ ୩୨୬ର ପୂର୍ବତନ ଚେୟାରମ୍ୟାନ ମଞ୍ଜୁ ମୁଖାର୍ଜୀ ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ । ଶ୍ରୀମତୀ ମୁଖାର୍ଜୀ ନିଜ ବକ୍ତବ୍ୟରେ ଇନରହୁଇଲର ଥିମ୍ ଏମ୍ପାୱାର ଆଣ୍ଡ ଏଭଲଭ ସମ୍ପର୍କରେ ସମ୍ୟକ ଧାରଣା ପ୍ରଦାନ କରିଥିଲେ ।

ଏହି ମହିଳା ସଙ୍ଗଠନ ସାରାବିଶ୍ୱରେ ମହିଳା ଓ ବାଳିକାମାନଙ୍କ ସର୍ବାଙ୍ଗୀନ ମଙ୍ଗଳ ପାଇଁ କାର୍ଯ୍ୟ କରିବାକୁ ପ୍ରତିବଦ୍ଧ । ନୂତନ ସଭାପତି ପ୍ରତିମା ମହାପାତ୍ର ଶିକ୍ଷାର ଅଭାବ ନାରୀ ଜାତିର ଦୁର୍ଗତିର କାରଣ ହୋଇଥିବାରୁ ନାରୀ ଓ ବାଳିକାମାନଙ୍କର ଶିକ୍ଷା ଓ ସର୍ବାଙ୍ଗୀନ ଉନ୍ନତି ପାଇଁ ଇନରହୁଇଲ ସର୍ବଦା ଉଦ୍ୟମ ଜାରି ରଖିବ ବୋଲି ମତବ୍ୟକ୍ତ କରିଥିଲେ । କାର୍ଯ୍ୟକ୍ରମକୁ ରୁଜା କକ୍କଡ ସୁଚାରୁରୂପେ ପରିଚାଳନା କରିଥିଲେ ।

ଇନରହୁଇଲ କ୍ଲବ୍ ଉପସଭାପତି ରୁନା ମହାନ୍ତି, ଆଇଏସ୍ଓ ରିତୁ ସାକୁନିଆ, ସମ୍ପାଦକ ଆଶା ଶର୍ମା, ସଦସ୍ୟା ରୀତା ମିଶ୍ର, ହରପାଲ ରୁପ୍ରା, ଆରତୀ ମହାନ୍ତି, ଅରୁଣା ବର୍ମା, ମଞ୍ଜୁ ମେହେର, ମନ୍ଜିତ ଛାବ୍ରା, ରୀତା ପ୍ରଧାନ, ସୁଷମା ପ୍ରସାଦ ଓ ଆଭା ଗୁପ୍ତା ପ୍ରମୁଖ ଉପସ୍ଥିତ ରହିବା ସହ କାର୍ଯ୍ୟକ୍ରମରେ ସକ୍ରିୟ ସହଯୋଗ କରିଥିଲେ ।