ରାଉରକେଲା, ୧୫ା୬ (ସବ୍ୟୁ) : ରାଉରକେଲା ଇସ୍ପାତ କାରଖାନାର ଏଚ୍ଆରଡି କେନ୍ଦ୍ରଠାରେ ଠିକା ଶ୍ରମିକମାନଙ୍କ ନିମନ୍ତେ ‘ଦକ୍ଷ’ ନାମକ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଆରଏସ୍ପିର ବିଭିନ୍ନ ବିଭାଗରେ କାର୍ଯ୍ୟରତ ୪୦ ଜଣ ଠିକା ଶ୍ରମିକ ଭାଗ ନେଇଥିଲେ । କାରଖାନାର ବିଭିନ୍ନ ଅଞ୍ଚଳରେ କାର୍ଯ୍ୟରତ ଠିକା ଶ୍ରମିକମାନଙ୍କୁ ସୁରକ୍ଷା ଅଭ୍ୟାସଗୁଡ଼ିକ ସମ୍ପର୍କରେ ସଚେତନ କରାଇବା ତଥା ସେମାନଙ୍କର ଦକ୍ଷତାକୁ ଅଧିକ ସୁଦୃଢ଼ କରିବା ଲକ୍ଷ୍ୟରେ ଉକ୍ତ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏଥିରେ ବ୍ୟକ୍ତିଗତ ବିକାଶ ସାଧନ, ଆନ୍ତଃ କାର୍ମିକ ସମ୍ପର୍କ, ଶୃଙ୍ଖଳା, କାର୍ଯ୍ୟ ପରିବେଶ, ଏସ୍ଓପି ଓ ଏସଏମ୍ପି, ଦଳଗତ କାର୍ଯ୍ୟ, କଲ୍ୟାଣ ସାଧନ ଓ ବିଭିନ୍ନ ପ୍ରୋତ୍ସାହନ ଯୋଜନା ସମ୍ବନ୍ଧରେ ତଥ୍ୟ ଉପସ୍ଥାପିତ ହୋଇଥିଲା ।
ଏଚ୍ଆରଡି କେନ୍ଦ୍ରର ଡିଜିଏମ୍ ଏଚ୍.ପତି ଓ ସିନିୟର ଇନଷ୍ଟ୍ରକ୍ଟର ବି.ସି.ନାୟକ କାର୍ଯ୍ୟକ୍ରମ ପରିଚାଳନା କରିଥିଲେ । ସୂଚନାଯୋଗ୍ୟ ଯେ, ସର୍ବାଧିକ ଠିକା ଶ୍ରମିକମାନଙ୍କୁ ଏହି ପ୍ରୟାସରେ ସାମିଲ୍ କରିବା ଲକ୍ଷ୍ୟ ନେଇ ପ୍ରକଳ୍ପ ଦକ୍ଷ,ମାସରେ ଦୁଇଥର ଅନୁଷ୍ଠିତ ହେଉଛି । ଜ୍ଞାନ ଓ ଦକ୍ଷତାରେ ବୃଦ୍ଧି ଆଣିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମର ରୂପରେଖ ପ୍ରସ୍ତୁତ କରାଯାଇଛି ।
amfnews