ନୂଆଦିଲ୍ଲୀ, ଜାନୁଆରୀ ୨୮ : ଆମ୍ ଆଦମୀ ପାର୍ଟିର ଜାତୀୟ ପରିଷଦ ବୈଠକରେ ମୁଖ୍ୟ ଅରବିନ୍ଦ କେଜ୍ରିୱାଲ ଏକ ବଡ଼ ଘୋଷଣା କରିଛନ୍ତି। କେଜ୍ରିୱାଲ କହିଛନ୍ତି ଯେ ଆମ୍ ଆଦମୀ ପାର୍ଟି ଆସନ୍ତା ଦୁଇ ବର୍ଷ ମଧ୍ୟରେ ଦେଶର ସମସ୍ତ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ।
ଆମ୍ ଆଦମୀ ପାର୍ଟି ଉତ୍ତରାଖଣ୍ଡ, ଉତ୍ତରପ୍ରଦେଶ, ହିମାଚଳ ପ୍ରଦେଶ, ଗୁଜୁରାଟ, ପଞ୍ଜାବ ଏବଂ ଗୋଆରେ ନିର୍ବାଚନ ଲଢିବ । ଏହା ସହିତ ଅରବିନ୍ଦ କେଜ୍ରିୱାଲ ମଧ୍ୟ ଦିଲ୍ଲୀର କୃଷକ ଆନ୍ଦୋଳନ ଏବଂ ହିଂସା ବିଷୟରେ ମଧ୍ୟ ଉଠାଇଥିଲେ ।
ଆସନ୍ତା ନିର୍ବାଚନକୁ ଦୃଷ୍ଟିରେ ରଖି ଦଳ ନିଜର ବରିଷ୍ଠ ନେତାମାନଙ୍କୁ ଦାୟିତ୍ବ ଦେବା ଆରମ୍ଭ କରିଛି। ଆତିଶି ମାର୍ଲେନାଙ୍କୁ ଗୁଜୁରାଟ ଦାୟିତ୍ବରେ, ରାଘବ ଚଢାଙ୍କୁ ପଞ୍ଜାବ ଦାୟିତ୍ବ ନ୍ୟସ୍ତ ରହିଛି । ଏହା ସହ ଦିଲ୍ଲୀ ବିଧାୟକ ଦୀନେଶ ମୋହନିଆଙ୍କୁ ଉତ୍ତରପ୍ରଦେଶର ଦାୟିତ୍ୱ ଦିଆଯାଇଛି। ଉକ୍ତ ସମସ୍ତ ରାଜ୍ୟରେ ୨୦୨୨ ମସିହାରେ ରେ ନିର୍ବାଚନ ଅନୁଷ୍ଠିତ ହେବ ।
ଆଜି ଦଳର ଜାତୀୟ ପରିଷଦ ବୈଠକରେ କେଜ୍ରିୱାଲ କହିଛନ୍ତି ଯେ ଦିଲ୍ଲୀରେ ଆପର ଉତ୍ତମ ଶାସନ ବିଷୟରେ ସାରା ଦେଶରେ ଲୋକମାନେ ଆଲୋଚନା କରୁଛନ୍ତି। ଦେଶର ଯେକୌଣସି ସ୍ଥାନରେ ଲୋକମାନେ ବିଦ୍ୟୁତ୍ ଏବଂ ଜଳ ସବସିଡି ଭଳି କଲ୍ୟାଣକାରୀ ଯୋଜନା ଚାହୁଁଛନ୍ତି।
ଆସନ୍ତା ଦୁଇ ବର୍ଷ ମଧ୍ୟରେ ଆମ ଦଳ ଉତ୍ତରପ୍ରଦେଶ, ଉତ୍ତରପ୍ରଦେଶ, ଗୋଆ, ପଞ୍ଜାବ, ହିମାଚଳ ପ୍ରଦେଶ ଏବଂ ଗୁଜୁରାଟରେ ନିର୍ବାଚନ ଲଢିବ। ଲୋକମାନେ ପ୍ରସ୍ତୁତ ଅଛନ୍ତି ଏବଂ ବର୍ତ୍ତମାନ ଆମକୁ ସେମାନଙ୍କ ପାଖରେ ପହଞ୍ଚିବାକୁ ପଡିବ ବୋଲି ସେ କହିଛନ୍ତି ।
Prasanta Patnaik