ଆତଙ୍କୀ ହାଫିଜ୍ ସଇଦକୁ ଫେସବୁକ୍ ଦେଲା ଝଟକା, ବନ୍ଦ କଲା ସମସ୍ତ ପ୍ରାର୍ଥୀଙ୍କ ପେଜ୍ ଏବଂ ଆକାଉଂଟ୍

ଫେସବୁକ୍ କେବଳ ଏମଏମଏଲର ନୁହେଁ ବରଂ ଦଳର ସମସ୍ତ ପ୍ରାର୍ଥୀଙ୍କ ଫେସବୁକ ପେଜକୁ ଡିଲିଟ୍ କରିଛି । କିନ୍ତୁ ଫେସବୁକ୍ ତରଫରୁ ଏହାର କୌଣସି ନିର୍ଦ୍ଦିଷ୍ଟ କାରଣ ଦର୍ଶାଯାଇ ନାହିଁ । ଦଳର ନେତା ଏହାକୁ ଅଭିବ୍ୟକ୍ତି ଅଧିକାରର ଉଲଙ୍ଘନ କହିବା ସହ ଅନ୍ୟାୟ ହୋଇଥିବା କହିଛନ୍ତି । ଏହି ଘଟଣାରେ ଏଣଏଲପିର ପ୍ରବକ୍ତା ତାବିଶ କାୟୁମ ଫେସବୁକ ନିଜ ନୀତିକୁ ଉଲଙ୍ଘନ କରିଥିବା କହିଛନ୍ତି ।

ସୂଚନାଯୋଗ୍ୟ କି, ଫେସବୁକ ପାକିସ୍ତାନରେ ଆଗାମୀ ୨୫ରେ ହେବାକୁ ଥିବା ନିର୍ବାଚନ ପାଇଁ ସୁରକ୍ଷା ବଢାଇ ଦେଇଛି । ଏଥି ନିମନ୍ତେ କମ୍ପାନୀ ତରଫରୁ ସୁରକ୍ଷା ସମ୍ବନ୍ଧୀୟ ଅନେକ ପଦକ୍ଷେପ ନିଆଯାଇଛି । ଫେସବୁକର ପ୍ରବାକ୍ତା ସରୀମ୍ ଅଜୀଜ୍ ଫେସବୁକର ଦୂରୁପଯୋଗ ରୋକିବା ପାଇଁ ଏପରି କରାଯାଇଥିବା କହିଛନ୍ତି ।