ଆଡିଲେଡ, ଡିସେମ୍ବର ୧୭ : ଭାରତ ଓ ଅଷ୍ଟ୍ରେଲିଆ ମଧ୍ୟରେ ଆଜିଠାରୁ ଟେଷ୍ଟ ମ୍ୟାଚ ଆରମ୍ଭ ହେଉଛି । ୪ଟି ମ୍ୟାଚ ବିଶିଷ୍ଟ ଟେଷ୍ଟ ଶୃଙ୍ଖଳାର ପ୍ରଥମ ମ୍ୟାଚ ଆଡିଲେଡରେ ଖେଳାଯାଉଛି । ଭାରତୀୟ ସମୟ ଅନୁସାରେ ଏହି ମ୍ୟାଚ ପୂର୍ବାହ୍ନ ସାଢ଼େ ୯ଟାରେ ଆରମ୍ଭ ହେଉଛି । ଇତି ମଧ୍ୟରେ ମ୍ୟାଚ ପାଇଁ ଟସ୍ ପଡିସାରିଛି । ଟସ ଜିଣି ଭାରତ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି ।
ଟି-୨୦ ମ୍ୟାଚରେ ଶୃଙ୍ଖଳା ଜିତିବା ପରେ ଅଧିନାୟକ ବିରାଟ କୋହଲିଙ୍କ ମନୋବଳ ବଢ଼ିଯାଇଛି । ବିହରା ବାହିନୀ ମ୍ୟାଚରେ ଭଲ ପ୍ରଦର୍ଶନ କରି ପୁଣି ଥରେ ଇତିହାସ ରଚିବାକୁ ଲକ୍ଷ୍ୟ ରଖିଛି । ଭାରତ ଟେଷ୍ଟ ଶୃଙ୍ଖଳାକୁ ଜିତିବାକୁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିଛି । ଏଥି ପାଇଁ କଡ଼ା ଅଭ୍ୟାସ ମଧ୍ୟ କରିଛି ।
ସୂଚନାଯୋଗ୍ୟ, ଅଷ୍ଟ୍ରେଲିଆ ଗସ୍ତରେ ଅଛି ଭାରତୀୟ ଟିମ । ଏହାରି ମଧ୍ୟରେ ଦିନିକିଆ ଓ ଟ-୨୦ ଶୃଙ୍ଖଳା ଶେଷ ହୋଇସାରିଛି । ଏହି ଗସ୍ତରେ ଭାରତ ଗତ ନଭେମ୍ବର ୨୭ରୁ ଦିନିକିଆ ଶୃଙ୍ଖଳା ଆରମ୍ଭ କରିଥିଲା । ଦିନିକିଆ ଶୃଙ୍ଖଳାକୁ ଅଷ୍ଟ୍ରେଲିଆ ୩-୧ରେ ବିଜୟୀ ହୋଇଥିଲା । କିନ୍ତୁ ଟି-୨୦ ଶୃଙ୍ଖଳାକୁ ଭାରତ ୨-୦ରେ ଜିତିଥିଲା । ଗୋଟିଏ ମ୍ୟାଚ ଡ୍ର ହୋଇଥିଲା । ଅଷ୍ଟ୍ରେଲିଆରେ ଭାରତ ୪ଟି ଟେଷ୍ଟ ମ୍ୟାଚ ଖେଳିବ । ଏଗୁଡ଼ିକ ଆଡିଲେଡ ବ୍ୟତୀତ ମେଲବୋର୍ଣ୍ଣ, ସିଡନୀ ଓ ବ୍ରିସବେନରେ ଖେଳାଯିବ ।
Prasanta Patnaik