ଅହମଦାବାଦ, ଅକ୍ଟୋବର ୩୧ : ଲୌହ ମାନବ ସର୍ଦ୍ଦାର ବଲ୍ଲଭ ଭାଇଙ୍କ ୧୪୫ତମ ଜୟନ୍ତୀ ଆଜି । ସମଗ୍ର ଦେଶ ଆଜି ସ୍ୱର୍ଗତ ପଟେଲଙ୍କ ଜୟନ୍ତୀ ଅବସରରେ ଏକତା ଦିବସ ପାଳନ କରୁଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଷ୍ଟାଚ୍ୟୁ ଅଫ ୟୁନିଟିରେ ପୂଜା କରିବେ । ଏଥି ସହିତ ମୋଦୀ ଏକତା ପରେଡରେ ଅଂଶଗହଣ କରିବେ ଏବଂ ସି ପ୍ଲେନ ସେବା ଶୁଭାରମ୍ଭ କରିବେ ।
ସୂଚନାଯୋଗ୍ୟ, ପ୍ରଧାନମନ୍ତ୍ରୀ ମୋଦୀଗତକାଲ ଠାରୁ ଦୁଇ ଦିନିଆ ଗୁଜୁରାଟ ଗସ୍ତରେ ଅଛନ୍ତି । ମୋଦୀ ଆଜି ସକାଳୁ ଷ୍ଟାଚ୍ୟୁ ଅଫ ୟୁନିଟିରେ ପୂଜା କରିବେ । ଏଠାରେ ରାଷ୍ଟ୍ରୀୟ ଏକତା ଦିବସ ଅବସରରେ ଆୟୋଜିତ ପରେଡରେ ଅଂଶଗ୍ରହଣ ପରେ ଲୋକଙ୍କୁ ସମ୍ବୋଧିତ କରିବେ । ପୂର୍ବାହ୍ନ ୧୧ଟାରେ ମୋଦୀ ସିଭିଲ ସର୍ଭିସର ନଆଁ ବେଞ୍ଚକୁ ଭିଡିଓ କନଫରେନ୍ସିଂ ଜରିଆରେ ସମ୍ବୋଧିତ କରିବେ । ସେହିପରି ସେ ଆଜି ୧୧ଟା ୪୫ରେ କେୱାଡିଆ ୱାଟର ଏରୋଡ୍ରମକୁ ଉଦଘାଟନ କରିବେ ।
ଗସ୍ତର ପ୍ରଥମ ଦିନରେ ପ୍ରଧାନମନ୍ତ୍ରୀ ମୋଦୀ ଶୁକ୍ରବାର ସ୍ୱର୍ଗତ ତଥା ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ପରିବାର ଲୋକଙ୍କୁ ଭେଟି ସମବେଦନା ଜଣାଇଥିଲେ । ମୋଦୀ ପରେ ଜଙ୍ଗଲ ପାର୍କ, ଫେରୀ ବୋଟ, ଭାରତ ଭବନ, ଏକତା ମଲ, ଶିଶୁ ଉଦ୍ୟାନ, ଗ୍ଲୋ ଗାର୍ଡେନ, କାକଟସ ଗାର୍ଡେନ ଓ ଏକତା ନର୍ସରୀକୁ ଉଦଘାଟନ କରିଥିଲେ ।
Prasanta Patnaik