ଆଗ୍ରହ ସାମ୍ନାରେ ହାର ମାନିଛି ବୟସ, ୮୯ ବର୍ଷରେ ବୁଢ଼ୀ ମାଉସୀ ସିଲେଇ କରୁଛନ୍ତି ବ୍ୟାଗ

ଗୌହାଟୀ  : ସ୍ବପ୍ନ ପୂରଣ କରିବା ପାଇଁ କୌଣସି ବୟସ ନଥାଏ, ସ୍ବପ୍ନ ଯେ କୌଣସି ସମୟରେ ବି ଦେଖାଯାଇପାରେ | ଏହି କଥାକୁ ପ୍ରମାଣିତ କରି ଦେଖାଇଛନ୍ତି ଲତିକା ଚକ୍ରବର୍ତ୍ତୀ | ୮୯ ବର୍ଷ ବୟସରେ ଲତିକା ନିଜେ ହାତରେ ବ୍ୟାଗ ସିଲେଇ କରି ଅନଲାଇନ ବିକ୍ରି କରୁଛନ୍ତି | ନିଜେ ପ୍ରସ୍ତୁତ କରିଥିବା ବ୍ୟାଗର ନାମ ବି ଲତିକା ଖାସ ରଖିଥାନ୍ତି | ଆସାମର ଧୁବରୀରେ ରହୁଥିବା ଲତିକା ଚକ୍ରବର୍ତ୍ତୀ ନିଜ ପୁଅ ତଥା ଭାରତୀୟ ନୌସେନା ଅଧିକାରୀ କ୍ୟାପଟେନ ରାଜ ଚକ୍ରବର୍ତ୍ତୀଙ୍କ ସହ ରୁହନ୍ତି |

ତେବେ ଲତିକା ବହୁ ବର୍ଷ ପୂର୍ବରୁ ଭାରତର କୋଣ ଅନୁକୋଣ ବୁଲିଥିବାବେଳେ ବିଭିନ୍ନ ବ୍ୟାଗ ଦେଖିଥିଲେ | ଏହି ସବୁ ବ୍ୟାଗର ଡ଼ିଜାଇନିଂ ତାଙ୍କୁ ବେଶ ପ୍ରଭାବିତ କରିଥିଲା | ଏହାପରେ ନିଜ ହାତରେ ବ୍ୟାଗ ସିଲେଇ କରିବାକୁ ଲତିକା ସ୍ବପ୍ନ ଦେଖିଥିଲେ ଓ ପୂରଣ ମଧ୍ୟ କରିଥିଲେ |