ଆକାଶରେ ଉଡ଼ୁଥିବା ବେଳେ ବିମାନରେ ଲାଗି ଗଲା ନିଆଁ

ଏହି ବିମାନରେ ଗୋଆର ପରିବେଶ ମନ୍ତ୍ରୀ ନିଲେଶ କବରଲ ଥିଲେ। ଦିଲ୍ଲୀରେ ଆଜି ଏକ ସରକାରୀ ବୈଠକରେ ଯୋଗଦେବା ପାଇଁ ଆସୁଥିଲେ ନିଲେଶ। ବିମାନ ଅବତରଣ କରିବା ପରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ନିଲେଶ କହିଛନ୍ତି ବିମାନଟି ରାତି ୧ଟାରେ ଦିଲ୍ଲୀ ଅଭିମୁଖେ ଉଡ଼ାଣ ଭରିଥିଲା। ପାଖାପାଖି ୧୫ ମିନିଟ୍ ବିମାନଟି ଉଡ଼ିବା ପରେ ତାର ବାମ ଇଞ୍ଜିନରେ ନିଆଁ ଲାଗିଥିବା ଜଣାପଡ଼ିଥିଲା। ଏହାପରେ ବିମାନଟି ସଙ୍ଗେସଙ୍ଗେ ଗୋଆ ଅଭିମୁଖେ ଫେରିଆସିଥିଲା। କୌଣସି ଯାତ୍ରୀଙ୍କର କ୍ଷତି ହୋଇନଥିବା ସେ କହିଛନ୍ତି। ନିଆଁ ଲାଗିବାର କାରଣ ଅସ୍ପଷ୍ଟ ରହିଛି।