ନୂଆଦିଲ୍ଲୀ : ଜାନୁଆରି ୨୦୧୯ରେ ଜିଏସ୍ଟି ଆଦାୟ ୧ ଲକ୍ଷ କୋଟି ଟଙ୍କା ଟପିଛି ବୋଲି ଘୋଷଣା କରିଛନ୍ତି ଅର୍ଥମନ୍ତ୍ରୀ ପିୟୂଷ ଗୋୟଲ୍। ବାର୍ଷିକ ୫ କୋଟିରୁ କମ୍ କାରବାର ହେଉଥିବା ବ୍ୟବସାୟକୁ ପ୍ରତି ୩ ମାସରେ ରିଟର୍ଣ୍ଣ ଦାଖଲ କରିବାକୁ ଅନୁମତି ଦିଆଯିବ ଓ ଏମାନଙ୍କ ମଧ୍ୟରେ ଅଛନ୍ତି ୯୦% ଜିଏସ୍ଟି ପୈଠକାରୀ।
କ୍ରମାଗତ ଭାବେ ଜିଏସ୍ଟି ହାର ହ୍ରାସ ପାଉଥିବା ଯୋଗୁଁ ୮୦,୦୦୦ କୋଟି ଗ୍ରାହକ ଆଶ୍ୱସ୍ତି ପାଇଛନ୍ତି। ଗରିବ ଓ ମଧ୍ୟମ ବର୍ଗର ଲୋକମାନଙ୍କ ନିତ୍ୟ ବ୍ୟବହାର୍ଯ୍ୟ ସାମଗ୍ରୀଗୁଡ଼ିକୁ ୦% ରୁ ୫% ଟିକସ ବନ୍ଧନୀ ମଧ୍ୟରେ ରଖାଯାଇଛି। ରିୟଲ୍ ଇଷ୍ଟେଟ୍ କ୍ଷେତ୍ରରେ ଥିବା ୧୮% ଥିବା ଜିଏସ୍ଟି ହ୍ରାସ ପାଇଁ ମନ୍ତ୍ରିସ୍ତରୀୟ କମିଟି ଗଠନ କରାଯିବ ବୋଲି ଗୋୟଲ୍ କହିଛନ୍ତି।
ପ୍ରାୟ ଦୁଇ ବର୍ଷ ମଧ୍ୟରେ ଆଇଟି ରିଟର୍ଣ୍ଣର ସମସ୍ତ ମୂଲ୍ୟାୟନ ଓ ତନଖି ଡିଜିଟାଲ୍ ମାଧ୍ୟମରେ କରାଯିବ। କୌଣସି ଟିକସ ଅଧିକାରୀଙ୍କ ହସ୍ତକ୍ଷେପ ବିନା ପୁଙ୍ଖାନୁପୁଙ୍ଖ ବିବରଣୀ ନ ଥିବା ଟିକସ ପ୍ରଣାଳୀ ଦ୍ୱାରା ଏହି କାର୍ଯ୍ୟ କରାଯିବ। ପ୍ରତ୍ୟେକ୍ଷ ଟିକସ ବ୍ୟବସ୍ଥା ଯୋଗୁଁ କରଦାତାମାନଙ୍କର ଉପକାର କରିବ। ୨୦୧୪ରେ ୬. ୩୮ ଲକ୍ଷ କୋଟି ଟଙ୍କା ଥିବା ପ୍ରତ୍ୟେକ୍ଷ ଟିକସ ୨୦୧୯ରେ ୧୨ ଲକ୍ଷ କୋଟି ଟଙ୍କାରେ ପହଞ୍ଚିଛି।