ରାଉରକେଲା, ୨୦ା୧ : ଛେଣ୍ଡ ସ୍ଥିତ ମିନି ଡୁପ୍ଲେକ୍ସ ଷ୍ଟାଡିୟମ ଠାରେ ଆରମ୍ଭ ହୋଇଥିବା ୬ଷ୍ଠ ଏସ୍ଏନ୍ ପଟ୍ଟନାୟକ ରିମ୍ସ କ୍ରିକେଟ୍ ଟୁର୍ଣ୍ଣାମେଣ୍ଟର ସେମି ଫାଇନାଲ ମ୍ୟାଚ୍ ଅନୁଷ୍ଠିତ ହୋଇଯାଇଛି । ଏଥିରେ ପ୍ରଥମ ମ୍ୟାଚ୍ ଏଚ୍କେ ରାୟ ମହାବିଦ୍ୟାଳୟ ଓ ୟୁଜିଆଇଇ ମଧ୍ୟରେ ଅନୁଷ୍ଠିତ ହୋଇଥିଲା । ଟସ୍ ଜିତି ପ୍ରଥମେ ୟୁଜିଆଇଇ ବ୍ୟାଟିଂ କରିଥିଲା । ନିର୍ଦ୍ଧାରିତ ଓଭର ମଧ୍ୟରେ ୟୁଜିଆଇଇ ସମସ୍ତ ୱିକେଟ୍ ହରାଇ ୧୫୫ ରନ୍ ସ୍କୋର କରିଥିଲା । ୟୁଜିଆଇଇର ଆଶୁତୋଷ ଜେନା ସର୍ବୋଚ୍ଚ ୮ ବଲ୍ରେ ୨୦ ରନ୍ ସଂଗ୍ରହ କରିଥିଲେ । ଏହାର ଜବାବରେ ଏଚ୍.କେ.ରାୟ ମହାବିଦ୍ୟାଳୟ ସମସ୍ତ ୱିକେଟ୍ ହରାଇ ମାତ୍ର ୯୨ ରନ୍ ସ୍କୋର କରିଥିଲା । ଦଳ ପକ୍ଷରୁ ଅମୀୟ ଚାନ୍ଦ ୧୭ ରନ୍ ସ୍କୋର କରିଥିଲେ ମଧ୍ୟ ଦଳକୁ ପରାଜୟରୁ ରକ୍ଷା କରିପାରିନଥିଲେ । ଫଳରେ ୟୁଜିଆଇଇ ୬୩ ରନ୍ରେ ମ୍ୟାଚ୍କୁ ଜିଣିନେଇଥିଲା ।
ସେହିଭଳି ଦ୍ୱିତୀୟ ସେମି ଫାଇନାଲ ମ୍ୟାଚ୍ ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟ ଓ ମ୍ୟୁନିସିପାଲ କଲେଜ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ମ୍ୟୁନିସିପାଲ କଲେଜ ଟସ୍ ଜିଣି ପ୍ରଥମେ ବ୍ୟାଟିଂ କରି ମୋଟ ୯୮ ରନ୍ ସଂଗ୍ରହ କରିଥିଲା । ମ୍ୟୁନିସିପାଲ କଲେଜର ବସନ୍ତ ସର୍ବୋଚ୍ଚ ୧୬ ବଲ୍ରେ ୭୧ ରନ୍ ସଂକ୍ରୋ କରିଥିଲେ । ଏହାର ଜବାବରେ ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟ ୫ ୱିକେଟ୍ ହରାଇ ୧୦୨ ରନ୍ କରି ମ୍ୟାଚ୍ରେ ବିଜୟୀ ହୋଇଥିଲା । ଦଳ ପକ୍ଷରୁ ପ୍ରତାପ ଦୁବେ ସର୍ବୋଚ୍ଚ ୩୦ ବଲ୍ରେ ୨୫ ରନ୍ ସଂଗ୍ରହ କରିଥିଲେ । ଚଳିତ ମାସ ୨୧ ତାରିଖ ଦିନ ଟୁର୍ଣ୍ଣାମେଣ୍ଟର ଫାଇନାଲ୍ ମ୍ୟାଚ୍ ୟୁଜିଆଇଇ ଓ ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟ ମଧ୍ୟରେ ଅନୁଷ୍ଠିତ ହେବ । ସେମି ଫାଇନାଲ ମ୍ୟାଚ୍ର ଅମ୍ପାୟାର ଭାବେ ବିଜୟ କୁମାର ସେଠୀ ଓ ସତ୍ୟ ରଞ୍ଜନ ଜେନା ମ୍ୟାଚ୍ ପରିଚାଳନା କରିଥିଲେ । ପ୍ରଫେସର ରାଜେଶ ମହାନ୍ତି ଓ ପ୍ରଫେସର ସିଦ୍ଧାର୍ଥ ଶଙ୍କର ପ୍ରଧାନ ମ୍ୟାଚ୍ ପରିଚାଳନା କରିଥିବା ବେଳେ ଜି.କେ. ଦାସ ଏବଂ ସୁମୀତ ମିଶ୍ର ଏଥିରେ ସହଯୋଗ କରିଥିଲେ ।
Prasanta Patnaik