୫ଦିନିଆ ୟୁରୋପ୍ ଗସ୍ତରେ ଷ୍ଟକହୋମ୍ ପହଂଚିଲେ ପ୍ରଧାନମନ୍ତ୍ରୀ ମୋଦି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  ୫ଦିନିଆ ବିଦେଶ ଗସ୍ତରେ ଯାଇଛନ୍ତି । ଗସ୍ତର ପ୍ରଥମ ଦିନରେ ସ୍ୱିଡ଼େନର ଷ୍ଟକହୋମରେ ପହଂଚିଛନ୍ତି ମୋଦି । ସ୍ୱିଡ଼େନର ପହଂଚିବା ପରେ ମୋଦିଙ୍କୁ ଭବ୍ୟ ସ୍ୱାଗତ କରିଥିଲେ ସ୍ୱିଡେନ୍ ପ୍ରଧାନମନ୍ତ୍ରୀ ଷ୍ଟିଫେନ୍ ଲୋଫବେନ୍ । ଏହି ଗସ୍ତ ସମୟରେ ଦୁଇ ଦେଶ ମଧ୍ୟରେ ବାଣିଜ୍ୟ ଓ ପୁଞ୍ଜିନିବେଶ କ୍ଷେତ୍ରରେ କେତେକ ମହତ୍ୱପୂର୍ଣ୍ଣ ଚୁକ୍ତି ସ୍ୱାକ୍ଷରିତ ହେବାର ସମ୍ଭାବନା ରହିଛି । ସ୍ୱିଡେନ୍ ପରେ ମୋଦି ୟୁରୋପର ଅନ୍ୟ ୪ଟି ଦେଶ ଗସ୍ତ କରିବେ । ବିମାନବନ୍ଦରରେ ମୋଦି ପହଞ୍ଚିବା ପରେ ସ୍ୱୀଡେନର ପ୍ରଧାନମନ୍ତ୍ରୀ ଷ୍ଟିଫେନ ଲୋଫବେନ ସ୍ୱାଗତ ପାଇଁ ପହଞ୍ଚିଥିଲେ । ୩୦ ବର୍ଷ ପରେ ଭାରତର ପ୍ରଧାନମନ୍ତ୍ରୀ ସ୍ୱୀଡେନ ଗସ୍ତ କରିଥିବାରୁ ଲୋକେ ଉତ୍ସାହିତ ଥିଲେ । ମୋଦି ସ୍ୱୀଡେନରେ ଭାରତ-ନୋର୍ଡିକ ସମ୍ମିଳନୀରେ ଭାଗ ନେବା ପରେ ଇଂଲଣ୍ଡ ଗସ୍ତ କରିବେ । ଏଥି ସହିତ ସେ ଭାରତ ଫେରିବା ପୂର୍ବରୁ ଜର୍ମାନୀ ଯିବେ ।