ନୂଆଦିଲ୍ଲୀ/ଭୁବନେଶ୍ୱର, ନଭେମ୍ବର ୦୫: ଭାରତୀୟ କ୍ରିକେଟ ଟିମର ଅଧିନାୟକ ବିରାଟ କୋହଲି ଆଜି ୩୨ ବର୍ଷ ବୟସରେ ପାଦ ଥାପିଛନ୍ତି । ବିଗତ ୧୨ ବର୍ଷ ମଧ୍ୟରେ କୋହଲି ଜଣେ ଶ୍ରେଷ୍ଠସ୍ତରର ଯୁବ ଖେଳାଳି ଭାବେ ସମଗ୍ର ବିଶ୍ୱରେ ପରିଚୟ ହାସଲ କରିଛନ୍ତି । କୋହଲିଙ୍କ ନାମରେ ଅନେକ ଗୁଡ଼ିଏ ରେକର୍ଡ ପ୍ରତିଷ୍ଠା ହୋଇପାରିଛି । ସେ ଭାରତୀୟ କ୍ରିକେଟ ଟିମର ସଫଳ ବ୍ୟାଟ୍ସମ୍ୟାନଙ୍କ ମଧ୍ୟରୁ ଜଣେ । ସେ ଭାରତୀୟ ଟିମର ସଫଳ ଟେଷ୍ଟ ଅଧିନାୟକ ହୋଇପାରିଛନ୍ତି ।
ବିରାଟ କୋହଲିଙ୍କ ଜନ୍ମଦିନ ଅବସରରେ ଭୁବନେଶ୍ୱରରେ ସ୍ୱତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଠାରେ ବିରାଟଙ୍କ ପ୍ରଶଂସକମାନେ ଏକ ୨୦ ଫୁଟର ପୋଷ୍ଟର କରାଯାଇଛି । ତାଙ୍କ ପ୍ରଶଂସକମାନେ ଦିନକୁ ସ୍ମରଣୀୟ ରଖିବା ପାଇଁ ଏହି ସ୍ୱତନ୍ତ୍ର କାର୍ଯ୍ୟକ୍ରମ କରିଛନ୍ତି ।
ବିରାଟ କୋହଲିଙ୍କୁ ଜାଣନ୍ତୁ
-ବିରାଟ କୋହଲି ୧୯୮୮ ନଭେମ୍ବର ୫ରେ ଦିଲ୍ଲୀରେ ଜନ୍ମଗ୍ରହଣ କରିଥିଲେ ।
-କୋହଲିଙ୍କ ନେତୃତ୍ୱରେ ଭାରତ ୨୦୦୮ରେ ୧୯ ବର୍ଷରୁ କମ ବିଶ୍ୱକପ ଜିତିଥିଲା ।
-ଆଜିର ଦିନରେ ବିରାଟ କୋହଲିଙ୍କ ନାଁରେ ବହୁ ସଂଖ୍ୟାରେ ରେକର୍ଡ ସାମିଲ ହୋଇପାରିଛି ।
-ସେ ହେଉଛନ୍ତି ଭାରତର ଶ୍ରେଷ୍ଠ ସଫଳ ଟେଷ୍ଟ ଅଧିନାୟକ ।
-କୋହଲି ପ୍ରଥମ ଟେଷ୍ଟ ମ୍ୟାଚ ୱେଷ୍ଟଇଣ୍ଡିଜ ବିପକ୍ଷରେ ୨୦୧୧ରେ ଖେଳିଥିଲେ ।
-ଶ୍ରୀଲଙ୍କା ବପକ୍ଷରେ ୨୦୦୮ରେ ଦିନିକିଆ କ୍ରିକେଟ ପ୍ରଥମେ ଖେଳିଥିଲେ ।
-ବିରାଟ କୋହଲି ୪୩ଟି ଦିନିକିଆ ଓ ୨୭ ଟେଷ୍ଟ ଶତକ ସାମିଲ ଅଛି ।
-ସଚିନ ତେନ୍ଦୁଲକର ୧୦୦ ଓ ଅଷ୍ଟ୍ରେଲିଆର ରିକି ପଣ୍ଟିଂ ୭୧ ଶତକ ହାସଲ କରିଛନ୍ତି ।
-ଦିନିକିଆରେ କୋହଲି ୧୧ ହଜାର ୮୬୭ ରନ ଓ ଟେଷ୍ଟରେ ୭ ହଜାର ୨୪୦ ରନ କରିଛନ୍ତି ।
-ଭାରତ ପାଇଁ ସର୍ବାଧିକ ୭ଟି ଦ୍ୱି-ଶତକ ହାସଲ କରିଛନ୍ତି ।
-ବିରାଟ କୋହଲି ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କୁ ବିବାହ କରିଛନ୍ତି ।
Prasanta Patnaik