୨୦୧୯ରେ ହ୍ରାସ ପାଇବ ଭାରତର ବିକାଶ ହାର, ଆମେରିକା ପାଇଁ ଚୀନର ଗତିରେ ମଧ୍ୟ ଲାଗିବ ଲଗାମ

ଅନ୍ୟପକ୍ଷେ ଆଇଏମଏଫ ଭାରତ ତୁଳନାରେ ଚୀନ ବିକାଶର ଅନୁମାନ ହାରରେ ହ୍ରାସ କରିଛି । ୨୦୧୯ ପାଇଁ ବିକାଶ ହାର ୬.୪ରୁ ୬.୨କୁ ହ୍ରାସ କରିଛି । ଆଇଏମଏଫର କହିବାନୁସାରେ ଚୀନ ଉପରେ ଆମେରିକା ଦ୍ୱାରା ଲଗାଯାଇଥିବା ପ୍ରତିବନ୍ଧକ ପାଇଁ ଏହି ପ୍ରଭାବ ପଡିଛି । ଫଳରେ ଏହାର ଗତି ଧିମେଇ ଯାଇଛି । କିନ୍ତୁ ୨୦୧୮ ପାଇଁ ଚୀନର ବିକାଶ ଦରକୁ ୬.୬ ପ୍ରତିଶତରେ ସ୍ଥିର ରଖିଛି ଆଇଏମଏଫ ।

ଅନ୍ତର୍ଜାତୀୟ ବିଶ୍ୱ ଆର୍ଥିକ ଆଉଟଲୁକ ରିପୋର୍ଟରେ ଏହି ତଥ୍ୟ ସାମ୍ନାକୁ ଆସିଛି । ଏହା ପୂର୍ବରୁ ଆଇଏମଏଫ ଚଳିତ ବର୍ଷ ଏପ୍ରିଲରେ ମଧ୍ୟ ଆର୍ଥିକ ରିପୋର୍ଟ ଜାରି କରିଥିଲା । ଏହି ରିପୋର୍ଟରେ ଭାରତର ବିକାଶ ଦର ୭.୩ ପ୍ରତିଶତ ଏବଂ ୨୦୧୯ରେ ୭.୫ ପ୍ରତିଶତ ରହିବା ନେଇ ଅନୁମାନ କରାଯାଇଥିଲା ।

୨୦୧୯ରେ ବିକାଶ ଦର କମିବାର କାରଣ

ଅନ୍ତରାଷ୍ଟ୍ରୀୟ ବଜାରରେ ଅଶୋଧିତ ତୈଳର ମୂଲ୍ୟ ବୃଦ୍ଧି ପାଇବାରେ ଲାଗିଛି । ଏହାର ପ୍ରଭାବରେ ବିଶ୍ୱସାରା ଆର୍ଥିକ ମାନ୍ଦାବସ୍ଥା ଲାଗି ରହିଛି । ଫଳରେ ୨୦୧୯ ପାଇଁ ବିକାଶ ଦର କମ୍ କରାଯାଇଛି ।