୨୦୦୮ ମାଲଗାଁଓ ବିସ୍ଫୋରଣ ମାମଲାରେ କର୍ଣ୍ଣେଲ ପୁରୋହିତଙ୍କ ସହିତ ୬ ଜଣଙ୍କ ଉପରେ ଅଭିଯୋଗ ସ୍ଥିର

ନୂଆଦିଳ୍ଲୀ, ଅକ୍ଟୋବର ୩୦ : ୨୦୦୮ରେ ମାଲଗାଁଓରେ ବିସ୍ଫୋରଣ ମାମଲାରେ ଅଭିଯୁକ୍ତ ଲେପ୍ଟନାଂଟ କର୍ଣ୍ଣେଲ ପୁରୋହିତଙ୍କ ପିଟିସନକୁ ରାଷ୍ଟ୍ରୀୟ ଯାଂଚ ଏଜେନ୍ସୀ (ଏନଆଇଏ) ଖାରଜ କରି ଅଭିଯୋଗ ସ୍ଥିର କରିଦେଇଛି । ଲେପ୍ଟନାଂଟ କର୍ଣ୍ଣେଲ ପୁରୋହିତଙ୍କ ସହିତ ଆଉ ୬ ଦୋଷୀଙ୍କ ଉପରେ ଅଭିଯୋଗ ସ୍ଥିର କରାଯାଇଛି । ଏହି ବିସ୍ଫୋରଣ ମାମଲାରେ ୭ ଅଭିଯୁକ୍ତଙ୍କ ଉପରେ ଆତଙ୍କବାଦ ଯୋଜନା କରୁଥିବାର ଅଭିଯୋଗ କରାଯାଇଛି । ଏନଆଇଏ କୋର୍ଟ ଅଭିଯୁକ୍ତମାନଙ୍କ ଉପରେ ହତ୍ୟା ଓ ଅନ୍ୟାନ୍ୟ ଅପରାଧର ଅଭିଯୋଗ ମଧ୍ୟ ରୁଜୁ କରାଯାଉଛି । ସମସ୍ତ ଅଭିଯୁକ୍ତଙ୍କ ଉପରେ ଆଇପିସି ଧାରା ଅନୁଯାୟୀ  ଏହା ଉପରେ ମୋକଦ୍ଧମା କରାଯିବ । ଏହି ମାମଲାରେ ପରବର୍ତୀ ଶୁଣାଣୀ ନଭେମ୍ବର ୨ରେ ହେବ ।