୧୮ ବାଇକ୍ ଜବତ, ଜଣେ ଅଟକ

ରାଉରକେଲା, ୧୯ା୧୧ : ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ବିଭିନ୍ନ ଅଞ୍ଚଳରୁ ଚୋରି ହୋଇଥିବା ୧୮ଟି ବାଇକ୍ ପୁଲିସ ଜବତ କରିଛି । ଏହି ଚୋରି ବାଇକ୍ ଚୋରିରେ ସମ୍ପୃକ୍ତ ଥିବା ଜଣଙ୍କୁ ଅଟକ ରଖି ପଚରାଉଚରା ଚଳାଇଛି । ପୁଲିସ ସୂଚନା ଅନୁଯାୟୀ, ଉମେଶ ଅଗ୍ରୱାଲ ନାମକ ଜଣେ ବ୍ୟକ୍ତି କୁଲୁଙ୍ଗା, ବିଶ୍ରା, ଗୁରୁଣ୍ଡିଆ, ନୁଆଗାଁ ଭଳି ବିଭିନ୍ନ ଅଞ୍ଚଳର ଚୋରା ବାଇକଗୁଡ଼ିକୁ ନେଇ ମାତ୍ର ୧୨ ହଜାରରୁ ୨୦ ହଜାର ଟଙ୍କାରେ ବିକ୍ରି କରିଆସୁଥିଲା ।

ପୁଲିସ ଏ ସମ୍ପର୍କରେ ଖବର ପାଇ ୧୮ଟି ଚୋରା ବାଇକ୍ ଜବତ କରିଛି । ଉମେଶକୁ ପୁଲିସ ଅଟକ ରଖି ଏହି ଚୋର ବାଇକ୍ କାରବାରରେ ସଂମ୍ପୃକ୍ତ ଥିବା ଅନ୍ୟମାନଙ୍କୁ ଧରିବା ପାଇଁ ଉଦ୍ୟମ ଚଳାଇଛି ।