ଭୋପାଳ, ଜାନୁଆରୀ ୨୩ : ମଧ୍ୟପ୍ରଦେଶର ରାଇସେନ୍ ଜିଲ୍ଲାର ମନଦୀପ ଗାଁ’ରେ ମଙ୍ଗଳବାର ସନ୍ଧ୍ୟାରେ ୧୨ ଦିନର ଶିଶୁ ସମେତ ଗୋଟିଏ ପରିବାରର ୪ ଜଣ ସଦସ୍ୟଙ୍କ ମୃତ୍ୟୁ ଘଟିଥିବା କଥା ପୁଲିସ କହିଛି।
ମୃତ ବ୍ୟକ୍ତିମାନେ ହେଲେ ୨୦ ବର୍ଷୀୟ ପୂର୍ଣ୍ଣିମା ଭୁରିଆ, ତାଙ୍କ ୧୨ ଦିନର ଝିଅ, ତାଙ୍କ ୪୦ ବର୍ଷୀୟ ମାଆ ଦୀପଲତା ଧୀମାର ଏବଂ ୧୧ ବର୍ଷୀୟ ଭାଇ ଆକାଶ ଧୀମାର। ଶାନ୍ନୁ ଭୁରିଆଙ୍କୁ ମଧ୍ୟ ପୁଲିସ ଅଚେତ ଅବସ୍ଥାରେ ଉଦ୍ଧାର କରିଛି।
କବାଟ ଭାଙ୍ଗି ପୁଲିସ ଘରେ ପଶିଲାରୁ ଦେଖାଗଲା ୪ ଜଣ ମରିଛନ୍ତି ଓ ଜଣେ ଅଚେତ ହୋଇ ପଡ଼ିଛନ୍ତି। ଶାନ୍ନୁଙ୍କୁ ଡାକ୍ତରଖାନାରେ ଭର୍ତ୍ତି କରିବା ପରେ ସେ କହିଲେ କି, ତାଙ୍କ ପରିବାର ଲୋକେ କେମିତି ମଲେ ସେ ଜାଣିପାରି ନାହାନ୍ତି।ଶାନ୍ନୁ ଗୋଟାଏ ଘରୋଇ ଉଦ୍ୟୋଗରେ କାମ କରନ୍ତି।
ଘରେ ଗୋଟାଏ କୋଇଲା ହିଟର୍ ପାଇଥିବା କଥା ପୁଲିସ କହିଛି। ଶବଗୁଡ଼ିକୁ ବ୍ୟବଚ୍ଛେଦ କରାଯିବା ଲାଗି ପଠାଯାଇଛି। କାର୍ବନ୍ ମନୋକ୍ସାଇଡ୍ ଆଘ୍ରାଣ ଜନିତ ବିଷକ୍ରିୟା ମୃତ୍ୟୁର କାରଣ ହୋଇଥାଇ ପାରେ ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି।
Prasanta Patnaik