ହାଥରସରେ ପୁଣି ୪ ବର୍ଷୀୟ ନାବାଳିକାକୁ ଦୁଷ୍କର୍ମ, ଅଭିଯୁକ୍ତ ଗିରଫ

ହାଥରସ, ଅକ୍ଟୋବର ୧୪ : ଉତ୍ତର ପ୍ରଦେଶର ବହୁଚର୍ଚ୍ଚିତ ହାଥରସରେ ଦଳିତ ଯୁବତୀଙ୍କୁ ଗଣଦୁଷ୍କର୍ମ ଓ ହତ୍ୟା ମାମଲାକୁ ନେଇ ଦେଶସାରା ଉତ୍ତେଜନା ଜାରି ରହିଥିବା ବେଳେ ପୁଣି ଜଣେ ୪ ବର୍ଷୀୟ ନାବାଳିକାକୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି ।

ପୋଲିସ କହିଛି, ସାନସୀ ଅଂଚଳରେ ୪ ବର୍ଷୀୟ ନାବାଳିକାକୁ ତାର ସଂପର୍କୀୟ ଦୁଷ୍କର୍ମ କରିଛି । ଅଭିଯୋଗ ପରେ ପୁଲିସ ମାମଲା ରୁଜୁ କରି ଜଣେ ଅଭିଯୁକ୍ତଙ୍କୁ ଗିରଫ କରିଛି । ପୁଲିସ ଘଟଣାର ତଦନ୍ତ କରିଛି ।  

ଏହା ପୂର୍ବରୁ ସୋମବାର ହାଇକୋର୍ଟର ଲଖନଉ ବେଞ୍ଚ ଗଣଦୁଷ୍କର୍ମ ପୀଡ଼ିତାଙ୍କ ବଳପୂର୍ବକ ଅନ୍ତିମ ସଂସ୍କାର ନେଇ ଶୁଣାଣୀ ହୋଇଛି । ଏହି ସମୟରେ ପୀଡ଼ିତାଙ୍କ ପରିବାର ଲୋକଙ୍କର ବୟାନ ରେକର୍ଡ କରାଯାଇଥିଲା । ପରିବାର ଲୋକେ କହିଥିଲେ, ତାଙ୍କର ଝିଅଙ୍କୁ ନ୍ୟାୟ ନମିଳିଲେ, ଅସ୍ଥି ବିସର୍ଜନ କରିବେ ନାହିଁ ।