ହଟଷ୍ଟ୍ରିପ୍ ମିଲ୍ରେ ମାଗଣା ସ୍ୱାସ୍ଥ୍ୟ ଶିବିର

ରାଉରକେଲା, ୩୦ ।୮ : ଆର୍ଏସ୍ପି ହଟଷ୍ଟ୍ରିପ୍ ମିଲ୍ ଅଞ୍ଚଳରେ କାର୍ଯ୍ୟରତ ଠିକା ଶ୍ରମିକଙ୍କ ପାଇଁ ୪୧ତମ ମାଗଣା ସ୍ୱାସ୍ଥ୍ୟ ପରୀକ୍ଷଣ ଶିବିର ଅନୁଷ୍ଠିତ ହୋଯାଇଛି । ଏହି ସ୍ୱାସ୍ଥ୍ୟ ପରୀକ୍ଷଣ ଶିବିରରେ ନୂତନ ହଟ୍ଷ୍ଟ୍ରିପ୍ ମିଲ୍ରେ ପ୍ରକଳ୍ପ ସହ ଏଲ୍ ଆଣ୍ଡ ଟିରେ ଠିକା ଶ୍ରମିକମାନେ ଯୋଗ ଦେଇଥିଲେ । ଏହି ଶିବିରକୁ ପ୍ରକଳ୍ପ ବିଭାଗର ମହାପ୍ରବନ୍ଧକ ଅରବିନ୍ଦ ଆଚାର୍ଯ୍ୟ ସ୍ୱାସ୍ଥ୍ୟ ଶିବିର ପରିଦର୍ଶନ କରିବା ସହିତ ବିଭିନ୍ନ ଶ୍ରମିକଙ୍କ ସହ ମତ ବିନିମୟ କରିଥିଲେ ।

ଏହି ଶିବିରକୁ ଆର୍ଏସ୍ପିର ଡାକ୍ତର ସାହିଦ ୟାହୟା, ଡା.ଏସ୍. କୁମା. ଡା.ଉଷା ମିଞ୍ଜ, ଡା, ରୀନା କୁଜୁର, ଡା.ବି. ଏକ୍କା ଓ ଡାକ୍ତର କେ. ନାୟକ, ଡ. ଶୈଲ୍ୟା ଉପସ୍ଥିତ ରହି ରୋଗୀମାନଙ୍କୁ ପରୀକ୍ଷା କରିଥିଲେ । ଏଥିରେ ଶ୍ରମିକମାନଙ୍କର ଓଜନ, ରକ୍ତଚାପ, ରକ୍ତର ଶର୍କରା, ହେପାଟିଟିସ୍, ଚକ୍ଷୁ ପରୀକ୍ଷା, ଶ୍ରବଣ ଶକ୍ତି ଭଳି ବିଭିନ୍ନ ରୋଗର ପରୀକ୍ଷା କରାଯାଇଥିଲା । ଏହି କାର୍ଯ୍ୟକ୍ରମକୁ ଆର୍ଏସ୍ପି କାର୍ମିକ ଠିକା ଶ୍ରମିକ ସେଲର ଡିଜିଏମ ଟି.ଜି କାନେକର, ଏଲ୍ ଆଣ୍ଡ ଟିର ପ୍ରବନ୍ଧକ ଅନୁରାଗଙ୍କ ସହ ଅନ୍ୟ କର୍ମଚାରୀ ପରିଚାଳନାରେ ସହଯୋଗ କରିଥିଲେ ।