ସୋମାଲିଆରେ ହୋଟେଲ ଉପରେ ଆତତାୟୀଙ୍କ ଆକ୍ରମଣ: ୭ ମୃତ ଓ ୨୦ ଗୁରୁତର

ମାଗାଡିସୁ, ଅଗଷ୍ଟ ୧୭ : ସୋମାଲିଆର ରାଜଧାନୀ ମାଗାଡିସୁରେ ଏକ ହୋଟେଲ ଉପରେ ଆତତାୟୀମାନେ ଗୁଳିମାଡ଼ କରିଛନ୍ତି । ଏଥିରେ ଜଣେ ପୋଲିସ କର୍ମଚାରୀଙ୍କ ସମେତ ୭ ଜଣଙ୍କର ମୃତ୍ୟୁ ହୋଇଛି । ଗୁଳିମାଡ଼ରେ ୨୦ ଜଣ ଆହତ ହୋଇଥିବା ଗଣମାଧ୍ୟମର ରିପୋର୍ଟରୁ ଜଣାଯାଇଛି । ଗୁରୁତରମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ରବିବାର ଘଟିଥିବା ଏହି ଆକ୍ରମଣ ଏଆଇ-ଶାହବାବ ଦ୍ୱାରା କରାଯାଇଥିବା କୁହାଯାଉଛି ।

ମାଗାଡ଼ିସୁର ସମୁଦ୍ର କୂଳରେ ଥିବା ଇଲାଇଟ ହୋଟେଲ ଉପରକୁ ୫ ଜଣ ଆତତାୟୀ ଏକକାଳୀନ ଗୁଳିକରିଥିଲେ ବୋଲି ସୂଚନା ମନ୍ତ୍ରାଳୟର ମୁଖପାତ୍ର ଇସମାଇଲ ମୁଖତାର ଓମାର ଗଣମାଧ୍ୟମକୁ ସୂଚନା ଦେଇଛନ୍ତି । ତେବେ ଘଟଣାସ୍ଥଳରେ ୭ ଜଣଙ୍କର ମୃତ୍ୟୁ ହୋଇଥିବା ବେଳେ ୨୦ ଜଣ ଆହତ ହୋଇଛନ୍ତି । ମୃତକଙ୍କ ସଂଖ୍ୟା ବଢ଼ିପାରେ । ଗୁଳିମାଡ଼ ପରେ ସ୍ଥାନୀୟ ଅଚଂଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରି ଦିଆଯାଇଛି ।