ମୁମ୍ବାଇ, ଅଗଷ୍ଟ ୩୦ : ସୁଶାନ୍ତ ସିଂ ରାଜପୁତ ମାମଲାରେ ଅଭିନେତ୍ରୀ ରିୟା ଚକ୍ରବର୍ତ୍ତୀ ସିବିଆଇ ପଚରାଉଚରା ପାଇଁ ସାଣ୍ଟା କ୍ରୁଜରେ ଅବସ୍ଥିତ ଡିଆରଡିଓର ଗେଷ୍ଟ ହାଉସରେ ପହଞ୍ଚିଛନ୍ତି। ତାଙ୍କ ସହ ଭାଇ ଶୋଭିକ୍ ଚକ୍ରବର୍ତ୍ତୀ ଅଛନ୍ତି। ଏହାପୂର୍ବରୁ ଶନିବାର ଦିନ ତାଙ୍କୁ ସାତ ଘଣ୍ଟା ଧରି ପଚରାଉଚରା କରିଯାଇଥିଲା।
ରିୟାଙ୍କ ପୂର୍ବରୁ ପଚରାଉଚରା ପାଇଁ ସେଠାରେ ସାମୁଏଲ ମିରାଣ୍ଡା ପହଞ୍ଚିଥିଲେ। ସେହିପରି ଗତ ଜୁନ୍ 8 ତାରିଖରେ ଭଉଣୀ ମିତୁ ସିଂହ ସୁଶାନ୍ତଙ୍କ ସହ ତାଙ୍କ ଘରେ ଥିଲେ ।
ତେଣୁ ମିତୁଙ୍କ ବୟାନ ରେକର୍ଡ ପାଇଁ ସିବିଆଇ ସମନ ପଠାଇଛି ସେ ମଧ୍ୟ ଡିଆରଡିଓ ଗେଷ୍ଟହାଉସରେ ସୁଶାନ୍ତଙ୍କ ମୃତ୍ୟୁ ଘଟଣା ପୂର୍ବଦିନର ସମସ୍ତ ତଥ୍ୟ ଉପସ୍ଥାପନ କରିବେ ।
ରବିବାର ଅଭିନେତ୍ରୀ ରିୟା ତାଙ୍କ ଭାଇ ଶୋଭିକଙ୍କ ସହିତ ଡିଆରଡିଓ ଗେଷ୍ଟ ହାଉସରେ ପହଞ୍ଚିଛନ୍ତି । ଗତ ଦୁଇଦିନ ମଧ୍ୟରେ ରିୟାଙ୍କୁ ସମୁଦାୟ 17 ଘଣ୍ଟା ଜେରା କରାଯାଇଛି ।
ରିୟା ଚକ୍ରବର୍ତ୍ତୀଙ୍କ ସହକର୍ମୀ ସାମୁଏଲ୍ ମିରାଣ୍ଡା ଡିଆରଡିଓ ଗେଷ୍ଟ ହାଉସରେ ପହଞ୍ଚିଛନ୍ତି । ଏଠାରେ ସିବିଆଇ ଟିମ୍ ଉଭୟଙ୍କୁ ପଚରାଉଚରା କରିବ।
ରିୟାଙ୍କ ଅଭିଯୋଗ ପରେ ସିବିଆଇ ମୁମ୍ବାଇ ପୋଲିସକୁ ଗେଷ୍ଟ ହାଉସରେ ସୁରକ୍ଷା ବ୍ୟବସ୍ଥା ବଢାଇବାକୁ ଅନୁରୋଧ କରିଛି ।
ସେପଟେ ଡ୍ରଗ୍ସ ଲିଙ୍କ ସାମ୍ନାକୁ ଆସିଥିବାରୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ତଦନ୍ତ ଜାରି ରଖିଥିବାବେଳେ ଉକ୍ତ ଘଟଣାରେ ଦୁଇଜଣ ଅଭିଯୁକ୍ତଙ୍କୁ ନେଇ ପଚରାଉଚରା କରିଛି ।
Prasanta Patnaik