227 Views
ଭୁବନେଶ୍ୱର, ୧୩ ଜୁଲାଇ – ଚିଟଫଣ୍ଡ ଦୁର୍ନୀତିରେ ସିବିଆଇ ତନାଘନା ପରେ ଏବେ ବିଜେଡିରେ କମ୍ପନ । ଜଣଙ୍କ ପରେ ଜଣେ ନେତା ଏବେ ସିବିଆଇ ଜାଲରେ । ମୁଖ୍ୟମନ୍ତ୍ରୀଙ୍କ ଅତି ନିକଟତର କୁହାଯାଉଥିବା କ୍ୟାବିନେଟ ମନ୍ତ୍ରୀ ସୂର୍ୟ୍ୟନାରାୟଣ ପାତ୍ରଙ୍କ ପୁଅ ବିପ୍ଳବ ପାତ୍ରଙ୍କୁ ସିବିଆଇ ପଚରାଉଚୁରା କରିଥିବା ଜଣାପଡିଛି । କେବଳ ଏତିକି ନୁହେଁ ତାଙ୍କ ଅଫିସରେ ମଧ୍ୟ ଝାମ୍ପ ମାରିଛି ସିବିଆଇ ।
ଏଥିସହ ଗଞ୍ଜାମ ଜିଲାର ଜଣେ ଟାଣୁଆ ପୂର୍ବତନ ମନ୍ତ୍ରୀ ତଥା ଆସୀନ ବିଧାୟକ ଏବେ ଆସିଛନ୍ତି ଚର୍ଚ୍ଚାକୁ । ତୃତୀୟ ମହଲାର ଅତି ନିକଟତର କୁହାଯାଉଥିବା ଏହି ବିଧାୟକଙ୍କୁ ସିବିଆଇ ସମନ କରିଥିବା ଏବେ ଗଞ୍ଜାମ ଜିଲାରେ ଚର୍ଚ୍ଚାରେ ବିଷୟ ଆସିଛି ।
ଚିଟଫଣ୍ଡ ଦୁର୍ନୀତିରେ ଏବେ ବିଜେଡିର ଜଣକ ପରେ ଜଣେ ନେତା ଯେପରି ଭାବେ ଫସିବାରେ ଲାଗିଛନ୍ତି ଏହାକୁ ନେଇ ବିଜେଡି ମୁଖିଆ ତଥା ମୁଖ୍ୟମନ୍ତ୍ର ନବୀନ ପଟ୍ଟନାୟକଙ୍କ ପାଇଁ ମୁଣ୍ଡବ୍ୟଥାର କାରଣ ପାଲଟିଛି । କେବଳ ନେତା ନୁହଁନ୍ତି ନବୀନ ନିବାସର କର୍ମଚାରୀ ମଧ୍ୟ ସିବିଆଇରେ ହାଜର ହୋଇଥିବା ହେତୁ ମୁଖ୍ୟମନ୍ତ୍ରୀ ସହ ବିଜେଡି ପାଇଁ ଏବେ ଚିନ୍ତାର ବିଷୟ ପାଲଟିଛି ।
ସେପଟେ ମୁଖ୍ୟମନ୍ତ୍ରୀଙ୍କ ଗୁମାସ୍ତା, ଝାଡୁଦାର ବୋଲି କହି ବିଗତ ଦିନରେ ଚର୍ଚାକୁ ଆସିଥିଲେ ଗଞ୍ଜାମର ଏହି ମନ୍ତ୍ରୀ ତଥା ନବୀନଙ୍କ ଏକାନ୍ତ ଅନୁଗତ ସୂର୍ୟ୍ୟନାରାୟଣ ପାତ୍ର । ଏବେ ଚିଟଫଣ୍ଡ ଲିଙ୍କରେ ତାଙ୍କର ପରିବାର ଆସିବା ପରେ ତାଙ୍କୁ ମୁଖ୍ୟମନ୍ତ୍ରୀ କି ପ୍ରକାର ସୁରକ୍ଷା ଦେବା ଏହାକୁ ନେଇ ଏବେ ଠାରୁ ଆରମ୍ଭ ହୋଇଛି ଚର୍ଚ୍ଚା ଆଲୋଚନା ।
ଅନ୍ୟପଟେ ଅନ୍ୟ ଜଣେ ବିଧାୟକ ଯେକି ଜଣେ ଯୁବନେତା । ବିଗତ ଦିନରେ ନବୀନଙ୍କ ମନ୍ତ୍ରୀମଣ୍ଡଳରେ ଗୁରୁ ଦାୟିତ୍ବରେ ଥିଲେ । ଏବେ ତାଙ୍କୁ ସମନ ପରେ ଗଞ୍ଜାମ ବିଜେଡିରେ ମଧ୍ୟ ଭୟର ବାତାବରଣ ଦେଖାଦେଇଛି ।
Prasanta Patnaik 
amfnews