ସିଆରପିଏଫ ଯବାନଙ୍କ ଅସ୍ୱାଭାବିକ ମୃତ୍ୟୁ, ପରିବାର ପକ୍ଷରୁ ହତ୍ୟା ଅଭିଯୋଗ

ସୂଚନା ମୁତାବକ, ଧର୍ମଶାଳା ଥାନା ନାଳକୁଳ ଗାଁର ଜଣେ ସିଆରପିଏଫ ଯବାନଙ୍କ ଅସ୍ୱାଭାବିକ ଭାବେ ମୃତ୍ୟୁ ଘଟିଛି । ଗୋଟିଏ ବିବାହ ଭୋଜି ଖାଇବାକୁ ଯାଇ ଅସୁସ୍ଥତା ଅନୁଭବ କରିଥିଲେ ସେ । ସେଠାରୁ ତାଙ୍କୁ କଟକ ହସ୍ପିଟାଲରେ ଭର୍ତ୍ତି କରାଯାଇଥିଲା । କଟକରେ ଚିକିତ୍ସାଧିନ ଥିବାବେଳେ ତାଙ୍କର ମୃତ୍ୟୁ ହୋଇଛି । ମୃତକଙ୍କ ପରିବାର ଲୋକେ ଏହାକୁ ଏକ ହତ୍ୟା ବୋଲି ଅଭିଯୋଗ ଆଣିଛନ୍ତି ।

ଏହି ଘଟମାରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯିବା ସହ  ଉତ୍ତେଜନା ଦେଖାଦେଇଛି । ଅଭିଯୁକ୍ତଙ୍କ ଗିରଫ ଦାବୀ କରି ବରୁଆଁ-ବାଲିଚନ୍ଦ୍ରପୁର ରାସ୍ତା ଅବରୋଧ କରିଛନ୍ତି ଉତ୍ୟକ୍ତ ଲୋକେ । ଘଟଣାସ୍ଥଳରେ ପୋଲିସ ପହଂଚି ଉତ୍ୟକ୍ତଙ୍କୁ ରାସ୍ତା ଅବରୋଧ ହଟାଇବାକୁ ବୁଝାସୁଝା କରୁଛି ।