ସାରଳା ସାଂସ୍କୃତିକ ପରିଷଦ ପକ୍ଷରୁ ୭୨ତମ ସ୍ୱାଧୀନତା ଦିବସ ପାଳିତ

ରାଉରକେଲା, ୨୦ା୮: ସେକ୍ଟର-୬ ସ୍ଥିତ ସାରଳା ସାଂସ୍କୃତିକ ପରିଷଦ ପକ୍ଷରୁ ସାରଳା ମନ୍ଦିର ପରିସରରେ ୭୨ତମ ସ୍ୱାଧୀନତା ଦିବସ ମହାସମାରୋହରେ ପାଳିତ ହୋଇଯାଇଛି । ସେକ୍ଟର-୬ ମହିମା ବିଦ୍ୟାଳୟ ଓ କବିବର ରାଧାନାଥ ରାୟ ବିଦ୍ୟାପୀଠର ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ତଥା ବହୁ ଜନସାଧାରଣ କାର୍ଯ୍ୟକ୍ରମରେ ଯୋଗ ଦେଇଥିବା ବେଳେ ଆର୍ଏସ୍ପି ଅଫିସର ସଂଘର ଆଞ୍ଚଳିକ ସମ୍ପାଦକ ରାମକୃଷ୍ଣ ତ୍ରିପାଠୀ ସମ୍ମାନିତ ଅତିଥି ଓ ଅଫିସର ସଂଘ ସଭାପତି ବିମଳ କୁମାର ବିଶି ମୁଖ୍ୟ ଅତିଥି ଭାବେ ଯୋଗ ଦେଇ ଜାତୀୟ ପତାକା ଉତ୍ତୋଳନ କରିଥିଲେ । ଅଶୋକ କୁମାର ବଳ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ରବୀନ୍ଦ୍ର ଦାସ ଧନ୍ୟବାଦ ଦେଇଥିଲେ ।