ସର୍ଭେ ଅନୁସାରେ ରାଜ୍ୟର ୨୩୦ ବିଧାନସଭା ଆସନରୁ ବିଜେପିକୁ ସର୍ବାଧିକ ୧୨୮ଟି ଆସନ ମିଳିବ। କଂଗ୍ରେସକୁ ୮୫ଟି ଆସନ ମିଳିପାରେ। ବହୁଜନ ସମାଜ ପାର୍ଟିର ଖାତାରେ ୮ଟି ଆସନ ରହିବ ଓ ସ୍ୱାଧୀନ ପ୍ରାର୍ଥୀଙ୍କୁ ୯ଟି ଆସନ ମିଳିପାରେ। କ୍ଷମତା ଆଶରେ କଂଗ୍ରେସ ଜୋରଦାର ନିର୍ବାଚନ ପ୍ରଚାର କରୁଥିବା ବେଳେ ଆଶା ପୂରଣ ହେବ ନାହିଁ ବୋଲି ସର୍ଭେ ରିପୋର୍ଟରେ ଦର୍ଶାଯାଇଛି।
ଗତ ବିଧାନସଭା ନିର୍ବାଚନରେ ବିଜେପିକୁ ୧୬୫ଟି ଆସନ ଥିଲା ଓ କଂଗ୍ରେସକୁ ୫୮ଟି ସିଟ, ବିଏସ୍ପିକୁ ୪ଟି ସିଟ ମିଳିଥିଲା। ସ୍ୱାଧୀନ ପ୍ରାର୍ଥୀଙ୍କ ଖାତାକୁ ୩ଟି ଆସନ ଯାଇଥିଲା। କଂଗ୍ରେସକୁ ଆଗାମୀ ନିର୍ବାଚନରେ ୨୭ଟି ଆସନ ଅଧିକ ମିଳିପାରେ କିନ୍ତୁ ପୂର୍ଣ୍ଣମତ ମିଳିବା ସହଜ ନୁହେଁ। ବିଏସ୍ପି ଓ ସ୍ୱାଧୀନ ପ୍ରାର୍ଥୀଙ୍କୁ ମଧ୍ୟ ଅଧିକା ଆସନ ମିଳିପାରେ। ସର୍ଭେରେ ପ୍ରାୟ ୧୦ ହଜାର ଲୋକ ଅଂଶଗ୍ରହଣ କରିଥିଲେ।
ସର୍ଭେ ଅନୁସାରେ ଶିବରାଜ ସିଂହ ଚୌହାଣ ଏବେ ସର୍ବାଧିକ ପସନ୍ଦର ମୁଖ୍ୟମନ୍ତ୍ରୀ ପ୍ରାର୍ଥୀ। ତାଙ୍କୁ ୪୧ ପ୍ରତିଶତ ମତଦାତା ପୁଣିଥରେ ମୁଖ୍ୟମନ୍ତ୍ରୀ ଭାବରେ ଦେଖିବାକୁ ଚାହାନ୍ତି। ୨ୟ ସ୍ଥାନରେ ୨୨ ପ୍ରତିଶତ ଲୋକ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ପସନ୍ଦ କରିଛନ୍ତି। ୧୮ ପ୍ରତିଶତ ଲୋକଙ୍କ ମତରେ କମଳନାଥ ମୁଖ୍ୟମନ୍ତ୍ରୀ ହେଲେ ମଧ୍ୟପ୍ରଦେଶର ବିକାଶ ହେବ।
Prasanta Patnaik