ସମ୍ବଲପୁର : ଆଜି ଭୋର ସମୟରେ ସମ୍ବଲପୁର ସହର ନିକଟରେ ଏକ ବସ୍ ଓଲଟି ପଡ଼ିଥିବା ଜଣାଯାଇଛି। ମିଳିଥିବା ସୂଚନା ଅନୁଯାୟୀ ସମ୍ବଲପୁର ସହର ନିକଟରେ ଥିବା ମାନେଶ୍ୱର ଅନ୍ତର୍ଗତ ଭବାନୀପାଲି ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏକ ଘରୋଇ ବସ ଓଲଟି ପଡିବା ଫଳରେ ୧୪ଜଣ ଯାତ୍ରୀ ସାମାନ୍ୟ ଆହତ ହୋଇଥିବା ଜଣାଯାଇଛି । ସେମାନଙ୍କ ମଧ୍ୟରୁ ୨ଜଣ ଗୁରୁତର ହୋଇଛନ୍ତି ।
ଗତକାଲି ରାତିରେ ଦିଲଖୁସ ନାମକ ଏକ ଘରୋଇ ବସ ଭୁବନେଶ୍ୱରରୁ ବ୍ରଜରାଜନଗର ଅଭିମୁଖେ ଯାତ୍ରା କରିଥିଲା । ଆଜି ଭୋର ୫ଟା ପାଖାପାଖି ସମୟରେ ସମ୍ବଲପୁର ମାନେଶ୍ୱର ଭବାନୀପାଲି ଛକରେ ବସଟି ଆଗରେ ଯାଉଥିବା ଏକ ଟ୍ରକକୁ ଓଭରଟେକ କରିବାକୁ ଉଦ୍ୟତ ହେଉଥିବା ବେଳେ ଓଲଟି ପଡ଼ିଥିଲା । ଫଳରେ ଏଥିରେ ଥିବା ୧୪ଜଣ ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୨ଜଣଙ୍କ ଅବସ୍ଥା ଗୁରୁତର ରହିଛି । ସମସ୍ତ ଆହତଙ୍କୁ ସମ୍ବଲପୁର ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେମାନଙ୍କ ମଧ୍ୟରୁ ଅଧିକାଂଶଙ୍କୁ ଚିକିତ୍ସାପରେ ଛାଡ଼ି ଦିଆଯାଇଥିଲା। ମାତ୍ର ଅନ୍ୟମାନେ ସେଠାରେ ଚିକିତ୍ସିତ ହେଉଥିବା ଜଣାଯାଇଛି।
Prasanta Patnaik