ଷ୍ଟୋଭ୍ ଫାଟି ମହିଳା ଗୁରୁତର

ରାଉରକେଲା, ୨୮ା୧୦  : ବନ୍ଧମୁଣ୍ଡା ଡିଜେଲ କଲୋନୀ ଅଞ୍ଚଳରେ ଜଣେ ମହିଳା ନିଆଁରେ ପୋଡ଼ି ଗୁରୁତର ହୋଇଛନ୍ତି । ଆହତ ମହିଳାଙ୍କ ନାଁ ସବିନା ମୁଖୀ (୪୦) । ମହିଳା ଜଣକ ରୋଷେଇ କରୁଥିବା ବେଳେ ହଠାତ ଷ୍ଟୋଭ୍ଟି ଫାଟି ଯାଇଥିଲା । ଫଳରେ କିରୋସିନ ଓ ନିଆଁ ତାଙ୍କ ଶରୀରର ବିଭିନ୍ନ ଅଂଶରେ ଲାଗି ଯାଇଥିଲା । ଯନ୍ତ୍ରଣାରେ ସେ ଚିକ୍ରାର କରୁଥିବାବେଳେ ତାଙ୍କ ପୁଅ ବଜରଙ୍ଗ ମୁଖୀ ତାଙ୍କୁ ଉଦ୍ଧାର କରି ବନ୍ଧମୁଣ୍ଡା ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ପରେ ଉନ୍ନତ ଚିକିତ୍ସା ପାଇଁ ତାଙ୍କୁ ଆର୍ଜିଏଚ୍ ସ୍ଥାନାନ୍ତର କରାଯାଇଥିଲା ।