ନିକଟରେ ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ଼ରେ କଂଗ୍ରେସକୁ ଅଦ୍ଭୁତପୂର୍ବ ସଫଳତା ମିଳିଛି । ଦୀର୍ଘ ୧୫ ବର୍ଷ ଧରି ଛତିଶଗଡ଼ ଓ ମଧ୍ୟପ୍ରଦେଶ ସିଂହାସନ ମାଡ଼ି ବସିଥିବା ବିଜେପି ଗାଦିଚ୍ୟୁତ କରିଛି । ତେଣୁ ପଡ଼ୋଶୀ ରାଜ୍ୟ ଓଡ଼ିଶା ନେତା ଶିଖିବା ଦରକାର । ଏବେ ନ ଶିଖିଲେ ଆଉ ଶିଖିପାରିବେ ନାହିଁ ବୋଲି ଶୃଙ୍ଖଳା କମିଟିର ଅଧ୍ୟକ୍ଷ ହେମାନନ୍ଦ ବିଶ୍ୱାଳ କହିଛନ୍ତି। ଏକାଠି ହୋଇ ନ ଲଢ଼ିଲେ ସଫଳ ହେବା କଷ୍ଟକର ହୋଇପଡ଼ିବ । ଆପୋଷ ଆଲୋଚନା ମାଧ୍ୟମରେ ସମସ୍ୟାର ସମାଧାନ କରିବାକୁ ସେ ସମସ୍ତଙ୍କୁ ଅନୁରୋଧ କରିଛନ୍ତି।
ଅନ୍ୟପକ୍ଷରେ ଶ୍ରୀକାନ୍ତ ଜେନାଙ୍କ ସପକ୍ଷରେ ବାହାରିଛନ୍ତି ବିରଷ୍ଠ କଂଗ୍ରେସ ନେତା କାହ୍ନୁ ଚରଣ ଲେଙ୍କା। ଶୃଙ୍ଖଳା କମିଟିର ଅଧ୍ୟକ୍ଷ ହେମାନନ୍ଦଙ୍କୁ ସେ ବିଶୃଙ୍ଖଳାକାରୀ କହିଛନ୍ତି।କାର୍ଯ୍ୟାନୁଷ୍ଠାନ ପାଇଁ ସୁପାରିସ ପ୍ରସଙ୍ଗ ଗଣମାଧ୍ୟମକୁ କାହିଁକି ଜଣାଇଲେ? ଦେଶରେ କଂଗ୍ରେସ ହାୱା ବହୁଛି ବୋଲି ଶ୍ରୀ ଲେଙ୍କା କହିଛନ୍ତି।
ଏଠାରେ ଉଳ୍ଲେଖ ଯୋଗ୍ୟ, ଦଳ ବିରୁଦ୍ଧରେ ମନ୍ତବ୍ୟ ଦେଉଥିବା ଶ୍ରୀକାନ୍ତ ଜେନାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଗତକାଲି ବସିଥିବା ଶୃଙ୍ଖଳା କମିଟି ବୈଠକରେ ନିଷ୍ପତ୍ତି ହୋଇଥିଲା । ଏ ନେଇ ଏଆଇସିସି ନିକଟକୁ ସୁପାରିଶ ମଧ୍ୟ କରାଯାଇଛି । ଶ୍ରୀକାନ୍ତଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯିବ ନାଁ ଆକ୍ସନ୍ ନିଆଯିବ ତାହା ହାଇକମାଣ୍ଡ ରାହୁଲ ଗାନ୍ଧୀ ସ୍ଥିର କରିବେ।
Prasanta Patnaik