ରାଉରକେଲା, ୬ା୯ : ରାଉରକେଲା ଅବକାରୀ ବିଭାଗ ପକ୍ଷରୁ ଆମ୍ବଗାନ ସ୍ଥିତ ମୁଖ୍ୟ ମାର୍କେଟରେ ଚଢ଼ଉ କରାଯାଇ ଲକ୍ଷାଧିକ ଟଙ୍କାର ଗଞ୍ଜେଇ ଜବତ କରାଯାଇଛି । ଅବକାରୀ ବିଭାଗ ଇନ୍ସପେକ୍ଟର ମିହିର କୁମାର ସେଠୀ କୌଣସି ସୂତ୍ରରୁ ଖବର ପାଇ ଏହି ଚଢ଼ଉ କରିଥିଲେ । ପରେ ବିଭାଗର ଅନ୍ୟ ଏକ ଦଳ ଏହି ମାର୍କେଟରେ ଥିବା ବିଭିନ୍ନ ପାନ ଗୁମୁଟିରେ ଚଢ଼ଉ କରିଥିଲା ।
ଚଢ଼ଉ ବେଳେ ହେମନ୍ତ କୁମାର ଦାସ (୩୮)ଙ୍କ ପାନ ଦୋକାନରୁ ୨୩ କେଜି ୩ ଶହ ଗ୍ରାମ ଗଞ୍ଜେଇ ଜବତ କରାଯାଇଥିଲା, ଯାହ।।ର ଆନୁମାନିକ ବଜାର ମୂଲ୍ୟ ଦେଢ଼ଲକ୍ଷ ଟଙ୍କା ହେବ ବୋଲି କରାଯାଇଛି । ହେମନ୍ତ ଏହି ଗଞ୍ଜେଇକୁ ପଡୋଶୀ ଜିଲ୍ଲା ଦେବଗଡ଼, ଅନୁଗୁଳ ଓ ରେଢ଼ାଖୋଲରୁ କିଲୋ ପିଛା ଅଢ଼େଇ ହଜାର ଟଙ୍କାରେ କିଣି ୫ ହଜାର ଟଙ୍କାରେ ବିକ୍ରି କରୁଥିବା ସ୍ୱୀକାର କରିଛି । ପୁଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏହି ଚଢ଼ଉରେ ଅବକାରୀ ବିଭାଗର ସବ୍ଇନ୍ସପେକ୍ଟର ସ୍ମୃତିକାନ୍ତ ରାଉତ, ନାରାୟଣ ଜେନା, ସନ୍ତୋଷ ଧଳସାମନ୍ତଙ୍କ ସହ ଅନ୍ୟାନ୍ୟ ଅବକାରୀ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ । ଆଗାମୀ ଦିନରେ ସହରରେ ବିଭିନ୍ନ ସ୍ଥାନରେ ଏଭଳି ଚଢ଼ଉ କରାଯିବ ବୋଲି ଶ୍ରୀ ସେଠୀ ସୂଚନା ଦେଇଛନ୍ତି ।
Prasanta Patnaik