ନୂଆଦିଲ୍ଲୀ : ରୁଷିଆ ଭାରତର ବିଶ୍ୱସ୍ତ ବନ୍ଧୁ। ଦୁଇ ଦେଶ ମଧ୍ୟରେ ଥିବା ସମ୍ପର୍କ ପୁରୁଣା। ତିନି ଦିନିଆ ରୁଷିଆ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ବ୍ଲାଦିବୋସ୍ତୋକରେ ଏହା କହିଛନ୍ତି। ଆମେ ଅନେକ ସମୟରେ ଦେଖା ହୋଇଛୁ। କିନ୍ତୁ ଅନେକ ପ୍ରସଙ୍ଗ ବାବଦରେ ଫୋନରେ କଥା ହୋଇଛୁ। ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଫୋନରେ କଥା ହୋଇ ଦେଶର ବିଭିନ୍ନ ପ୍ରସଙ୍ଗ ବାବଦରେ ଆଲୋଚନା କରିବାକୁ ମୁଁ କେବେ ସଙ୍କୋଚ ଅନୁଭବ କରେନାହିଁ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି।
ANI✔@ANI
#WATCH: PM Modi speaks in Vladivostok on Russia’s highest civilian award being conferred upon him. He also says, “Russia is an integral friend & trustworthy partner of India. You’ve (Russian Pres) personally focussed on expanding our special&privileged strategic partnership…”
ବ୍ଲାଦିବୋସ୍ତୋକରେ ଭାରତ ଓ ରୁଷିଆ ମଧ୍ୟରେ ୨୦ଶ ବାର୍ଷିକ ସମ୍ମିଳନୀରେ ଏହା କହିଛନ୍ତି ପ୍ରଧାନମନ୍ତ୍ରୀ। ଏହି ଅବସରରେ ଏକ ଉଚ୍ଚ ସ୍ତରୀୟ ବୈଠକ ବସିଥିଲା। ଯେଉଁଥିରେ ଦୁଇ ଦେଶ ମଧ୍ୟରେ ଅନେକ ପ୍ରସଙ୍ଗରେ ଦ୍ୱିପାକ୍ଷିକ ଚୁକ୍ତି ନେଇ ଆଲୋଚନା ହୋଇଥିଲା।
‘ମୋତେ ରୁଷିଆର ସର୍ବୋଚ୍ଚ ନାଗରିକ ସମାନରେ ସମ୍ମାନୀତ କରିଥିବାରୁ ରୁଷିଆବାସୀଙ୍କୁ ଧନ୍ୟବାଦ ଦେଉଛି।’ ଏହା କହିଛନ୍ତି ପ୍ରଧାନମନ୍ତ୍ରୀ ମୋଦି। ଏହି ସମ୍ମାନ ପାଇଁ ସମସ୍ତ ଭାରତୀୟଙ୍କୁ ମଧ୍ୟ ଶ୍ରେୟ ଦେଇଛନ୍ତି ପ୍ରଧାନମନ୍ତ୍ରୀ। ଆସନ୍ତାକାଲି ଇଷ୍ଟର୍ଣ୍ଣ ଇକୋନମିକ୍ ଫୋରମର ବୈଠକ ରହିଛି। ଦୁଇ ଦେଶର ସମ୍ପର୍କକୁ ଏହି ବୈଠକ ନୂଆ ଦିଗ ବୋଲି ବ୍ଲାଦୋବୋସ୍ତୋକରେ ପ୍ରଧାନମନ୍ତ୍ରୀ କହିଛନ୍ତି।
ତିନି ଦିନିଆ ରୁଷିଆ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଋଷିଆର ବ୍ଲାଦିବୋସ୍ତୋକ ଅନ୍ତର୍ଜାତୀୟ ଏୟାରପୋର୍ଟରେ ଭୋର୍ ୪ଟା ୩୦ରେ ପହଞ୍ଚିଥିଲେ। ଏହାପରେ ବିମାନ ବନ୍ଦରରେ ପ୍ରବାସୀ ଭାରତୀୟମାନେ ପ୍ରଧାନମନ୍ତ୍ରୀ ମୋଦିଙ୍କୁ ସ୍ୱାଗତ କରିଥିଲେ। ଏହି ସମୟରେ ପ୍ରବାସୀ ଭାରତୀୟଙ୍କ ସହ ମୋଦି କଥା ହେଉଥିବାର ଦେଖିବାକୁ ମିଳିଥିଲା।
ANI✔@ANI
Russia: Prime Minister Narendra Modi and Russian President Vladimir Putin hug and shake hands before their departure for Zvezda ship-building complex, Vladivostok. (Earlier visuals)
ଏହାପରେ ବ୍ଲାଦିବୋସ୍ତୋକରେ ଦୁଇ ଦେଶର ମୁଖ୍ୟଙ୍କ ମଧ୍ୟରେ ଉଚ୍ଚ ସ୍ତରୀୟ ବୈଠକ ବସିଥିଲା।
Prasanta Patnaik