ଭୁବନେଶ୍ୱର, ନଭେମ୍ବର ୦୫ : ଆଠ ମାସ ହେଲାଣି ମହାମାରୀ କରୋନା ପାଇଁ ମଞ୍ଚ ଏବଂ ଯାତ୍ରା ଏବଂ ଭଜନ ଆଦି କାର୍ଯ୍ୟକ୍ରମ ବନ୍ଦ ହୋଇ ରହିଛି । ଏହା ଫଳରେ ଏହି କଳାକାର ମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସେମାନଙ୍କୁ ସେମାନଙ୍କ ମଞ୍ଚ ଫେରାଇବା ଦାବିରେ ଆଜି ସେମାନେ ଭୁବନେଶ୍ୱରର ମାଷ୍ଟରକ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଦୀର୍ଘ ଆଠ ମାସ ହେଲା ରୋଜଗାର ଠପ ହୋଇଯିବାରୁ ସେମାନେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସେମାନେ ସରକାରଙ୍କୁ ତାଙ୍କୁ ଅନ୍ୟ କିଛି ସାହାଯ୍ୟ ଯୋଗାଇଦେବାକୁ ଚାହୁଁନାହାନ୍ତି । ସେମାନଙ୍କର ଗୋଟେ ଦାବି ସେମାନଙ୍କ ରୋଜଗାର ମାଧ୍ୟମ ତାଙ୍କୁ ଫେରାଇବାକୁ ଦାବି କରିଛନ୍ତି । ମଦ ବ୍ୟବସାୟ ଖୋଲିଲ ନିଜେ ପ୍ରଚାର ବେଳେ ମେଲୋଡି କଲ ମାତ୍ର ଆମକୁ କଣ ପାଇଁ ମଞ୍ଚକୁ ଫେରାଉନ ବୋଲି ସରକାରଙ୍କ ଉପରେ ବର୍ଷିଛନ୍ତି କଳାକାରମାନେ ।
କଳାକାରଙ୍କ ଏହି ଆନ୍ଦୋଳନକୁ ସମର୍ଥନ ଜଣାଇଛନ୍ତି ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ । ବିଧାୟକ ନିଜେ ଧାରଣା ସ୍ଥଳରେ ପହଂଚି ସରକାରଙ୍କୁ ଏହି କଳାକାରମାନଙ୍କ ଦାବି ପୂରଣ କରିବାକୁ କହିଛନ୍ତି ।
Prasanta Patnaik