ନୂଆଦିଲ୍ଲୀ : ରାଜଧାନୀ ଏକ୍ସପ୍ରେସ୍ରେ ଦିଲ୍ଲୀ ଓ ମୁମ୍ବାଇ ମଧ୍ୟରେ ଯାତାୟାତ କରୁଥିବା ଯାତ୍ରୀମାନେ ଏଥର ସେମାନଙ୍କ ଗନ୍ତବ୍ୟସ୍ଥଳରେ ପୂର୍ବାପେକ୍ଷା ଶୀଘ୍ର ପହଞ୍ଚି ପାରିବେ। ରାଜଧାନୀ ଏକ୍ସପ୍ରେସ୍ର ବେଗ ଘଣ୍ଟାପ୍ରତି ୧୩୦ କିଲୋମିଟର୍ରୁ ୧୬୦ କିଲୋମିଟରକୁ ବୃଦ୍ଧି କରାଯାଉଥିବାରୁ ଦିଲ୍ଲୀ ଓ ମୁମ୍ବାଇ ରାସ୍ତାରେ ଯାତ୍ରା ସମୟ ୫ ଘଣ୍ଟାରୁ ଊର୍ଦ୍ଧ୍ୱ କମିଯିବ ବୋଲି ପଶ୍ଚିମ ରେଳବାଇ ନିଶ୍ଚିତ କରି କହିଛି। ଏବେ ଦିଲ୍ଲୀରୁ ମୁମ୍ବାଇ ଯାତ୍ରା ସମୟ ୧୫. ୫ ଘଣ୍ଟା ଲାଗୁଥିବା ବେଳେ ବେଗ ବଢ଼ାଇବା ଦ୍ୱାରା ତାହା ୧୦ ଘଣ୍ଟାକୁ କମାଇ ହେବ।
ଯାତ୍ରା ସମୟ ହ୍ରାସ କରିବା ନିମନ୍ତେ ୧୦୦ ଦିନିଆ ଆକ୍ସନ୍ ପ୍ଲାନ୍ରେ ଭାରତୀୟ ରେଳବାଇ ଦିଲ୍ଲୀ-ମୁମ୍ବାଇ ଏବଂ ଦିଲ୍ଲୀ-ହାଓଡ଼ା ରାସ୍ତାରେ ଯାତ୍ରା ସମୟ ହ୍ରାସ ପାଇଁ ପୂର୍ବାନୁମାନ କରିଛି।
ରଫ୍ତାର୍ ମିସନ୍ରେ ଦିଲ୍ଲୀ- ମୁମ୍ବାଇ, ଦିଲ୍ଲୀ-ହାଓଡ଼ା, ହାଓ୍ଵାଡ଼ା-ଚେନ୍ନାଇ, ଚେନ୍ନାଇ-ମୁମ୍ବାଇ, ଦିଲ୍ଲୀ-ଚେନ୍ନାଇ ଏବଂ ହାଓ୍ଵଡ଼ା-ମୁମ୍ବାଇ ଛଅଟି ପଥରେ ଯାତ୍ରାକାଳୀନ ସମୟ ହ୍ରାସ କରାଯିବାକୁ ଚିହ୍ନଟ କରାଯାଇଛି।
Prasanta Patnaik