ରାଜଧାନୀରେ ଚାଞ୍ଚଲ୍ୟ, ଜେଲ୍ ଫେରନ୍ତା ଯୁବକଙ୍କ ଉପରକୁ ଗୁଳିମାଡ

ଭୁବନେଶ୍ୱର : ଦିନ ଦ୍ୱିପ୍ରହରେ ରାଜଧାନୀରେ ଫୁଟିଲା ଗୁଳି । ବାଇକ୍ ରେ ଆସି ୩ ଦୁର୍ବୃତ୍ତ ଗୁଳିମାଡ କରି ଫେରାର୍ । ଏହି ଚାଞ୍ଚଲ୍ୟ କର ଘଟଣା ଘଟିଛି ରାଜଧାନୀ ଭୁବନେଶ୍ୱର ଉପକଣ୍ଠ ତମାଣ୍ଡୋ ଥାନା କଳିଙ୍ଗ ବିହାର ଅଞ୍ଚଳରେ । 

ସୂଚନା ଅନୁସାରେ ଜଣେ ଜେଲ୍ ଫେରନ୍ତା ଯୁବକଙ୍କୁ ଟାର୍ଗେଟ କରି ଆଜି ଦିନ ପ୍ରାୟ ସାଡେ ୧୧ ଟା ସମୟରେ ୩ ଜଣ ଦୁର୍ବୃତ୍ତ ବାଇକ୍ ରେ ଆସି ଗୁଳି ଚାଳନା କରିଥିଲେ । ତେବେ ଏହି ଗୁଳିକାଣ୍ଡ ରୁ ଯୁବକ ଜଣଙ୍କ ଅଳ୍ପକେ ବର୍ତ୍ତି ଯାଇଛନ୍ତି । କିନ୍ତୁ କେଉଁ ଉଦ୍ଦେଶ୍ୟରେ ଯୁବକ ଜଣଙ୍କୁ ଟାର୍ଗେଟ କରାଯାଇଥିଲା ତାହା ବର୍ତମାନ ସୁଦ୍ଧା ସ୍ପଷ୍ଟ ହୋଇ ପାରି ନାହିଁ ।

ଖାଲି ଆଜି ଘଟଣା ନୁହେଁ ପ୍ରତିଦିନ ଏହିଭଳି ଭାବରେ ଦିନ ଦ୍ୱିପ୍ରହରେ ରାଜଧାନୀରେ ଅପରାଧ ଘଟୁଛି । ଏବଂ ସବୁ ଠାରୁ ବଡ କଥା ଯେ ଏମିତି ଗୋଟିଏ ପରେ ଗୋଟିଏ ଅପରାଧ ଘଟାଇ ଅପରାଧି ମାନେ ପୋଲିସ୍ କୁ ଖୋଲାଖୋଲି ଚ୍ୟାଲେଞ୍ଜ ଦେଉଥିଲେ ସୁଦ୍ଦଶ ରାଜଧାନୀରୁ ଅପରାଧ କମିବାରେ ନାଁ ଧରୁନି ।