ଯାଜପୁର ଲୋକସଭା ଆସନରୁ ଲଢିବେ ବରିଷ୍ଠ କଂଗ୍ରେସ ନେତା ଜୟଦେବ ଜେନା

ଗତ ୨୦୧୪ ଇଲେକସନରେ ଜୟଦେବ ଆନନ୍ଦପୁର ବିଧାନସଭା ଆସନରୁ ଲଢିଥିବା ବେଳେ ପୁଅ ସଂଗ୍ରାମ ଜେନାଙ୍କୁ ଭଦ୍ରକ ଲୋକସଭା ଆସନରୁ ପ୍ରାର୍ଥୀ କରାଯାଇଥିଲା । ତେବେ ଗତ ଥର ଇଲେକସନ ଲଢିନଥିବା ବରିଷ୍ଠ ନେତା ଅନନ୍ତ ପ୍ରସାଦ ସେଠୀ ଏଥର ଭଦ୍ରକ ଲୋକସଭା ଆସନରୁ ଲଢିବା ପାଇଁ ଦଳ ଏକପ୍ରକାର ସ୍ଥିର କରିସାରିଛି । ତେଣୁ ଏପରି ସ୍ଥିତିରେ ପୁଅ ସଂଗ୍ରାମଙ୍କୁ ଆନନ୍ଦପୁର ଛାଡି ଯାଜପୁର ଉପରେ ନଜର ପକାଇଛନ୍ତି ଜୟଦେବ । ଏପରି ଚର୍ଚ୍ଚା ଏବେ କଂଗ୍ରେସ ମହଲରେ ଆଲୋଚନା ହେଉଛି । ଏପରିକି ଏନେଇ ଯାଜପୁରର କର୍ମୀ ଓ ନେତାଙ୍କ ସହ ଯୋଗାଯୋଗରେ ଆସିଗଲେଣୀ ଶ୍ରୀ ଜେନା । ଯାଜପୁର ଜିଲାରେ କଂଗ୍ରେସ ସଙ୍ଗଠନ ଦିଗହରା ହୋଇପଡିଥିବା ବେଳେ ଜୟଦେବଙ୍କୁ ସେଠାରୁ ପ୍ରାର୍ଥୀ କରି ଦଳ ଇଲେକସନ ମଇଦାନରେ ଅବତୀର୍ଣ ହେବ । ଏଥିପାଇଁ ପ୍ରାରମ୍ଭିକ କଥାବାର୍ତା ଆରମ୍ଭ ହୋଇଥିବା ଦଳୀୟ ମହଲରେ ଆଲୋଚନା ହେଉଛି ।