ନୂଆଦିଲ୍ଲୀ, ଡିସେମ୍ବର ୦୮ : ଯଦି କେନ୍ଦ୍ର ସରକାର କିମ୍ବା ଉତ୍ତରପ୍ରଦେଶ ସରକାର ଅଯୋଧ୍ୟାରେ ରାମ ମନ୍ଦିର ନିର୍ମାଣକୁ ବିରୋଧ କରନ୍ତି, ତେବେ ଏହି ଉଭୟ ସରକାରଙ୍କୁ ପଦଚ୍ୟୁତ କରାଯିବ ବୋଲି ବରିଷ୍ଠ ବିଜେପି ନେତା ସୁବ୍ରମଣ୍୍ୟମ ସ୍ୱାମୀ କହିଛନ୍ତ। ଜବାହରଲାଲ ନେହେରୁ ବିଶ୍ୱବିଦ୍ୟାଳୟରେ ଭାଷଣ ଦେବା ପ୍ରସଙ୍ଗରେ ଶ୍ରୀ ସ୍ୱାମୀ କହିଛନ୍ତି ଯେ ସୁପ୍ରିମକୋର୍ଟରେ ରାମମନ୍ଦିର ନିର୍ମାଣ ମାମଲା ୨୦୧୯ ଜାନୁଆରି ମାସ ପାଇଁ ତାଲିକାଭୁକ୍ତ ହୋଇଛି। ଆଉ ସୁପ୍ରିମକୋର୍ଟରେ ଶୁଣାଣି ହେବାର ମାତ୍ର ୨ ସପ୍ତାହ ମଧ୍ୟରେ ଆମେ ଜିଣିବୁ। କାରଣ ଆମ ବିରୋଧରେ ଯେଉଁ ଦୁଇଜଣ ମୁଖ୍ୟ ପ୍ରତିଦ୍ୱନ୍ଦ୍ୱୀ ଅଛନ୍ତି, ସେ ହେଉଛନ୍ତି କେନ୍ଦ୍ର ସରକାର ଓ ଉତ୍ତରପ୍ରଦେଶ ସରକାର। ଆଉ ଯଦି ଏହି ଦୁଇ ସରକାର ରାମ ମନ୍ଦିର ନିର୍ମାଣକୁ ସୁପ୍ରିମ କୋର୍ଟରେ ବିରୋଧ କରନ୍ତି,ତେବେ ଏହି ଦୁଇ ସରକାରଙ୍କୁ ପଦଚ୍ୟୁତ କରାଯିବ।
ଶ୍ରୀ ସ୍ୱାମୀ କହିଥିଲେ ଯେ ସେ ବ୍ୟକ୍ତିଗତ ଭାବେ ବହୁ ମୁସଲମାନ ବୁଦ୍ଧିିଜୀବୀଙ୍କ ସହିତ ରାମମନ୍ଦିର ନିର୍ମାଣ ପ୍ରସଙ୍ଗରେ ଆଲୋଚନା କରିଛନ୍ତି। ସେ ଭେଟିଥିବା ମୁସଲମାନମାନେ ଅଯୋଧ୍ୟାରେ ରାମମନ୍ଦିର ନିର୍ମାଣକୁ ବିରୋଧ କରୁ ନାହାଁନ୍ତି।
ସେହିପରି ରାମ ଜନ୍ମଭୂମି ବ୍ୟାସ ଓ ନିର୍ମୋହି ଆଖଡ଼ା ଦାବି କରିଛି ଯେ ସେଠାରେ ଦୁଇଟି ମନ୍ଦିର ଥିଲା ଓ ସେହି ମନ୍ଦିରର ସେମାନେ ଟ୍ରଷ୍ଟି, ତେଣୁ ଜମି ସେମାନଙ୍କୁ ଦିଆଯିବା ଉଚିତ। ଆହ୍ଲାବାଦ ହାଇକୋର୍ଟ ଏହି ମାମଲାର ଶୁଣାଣି କରି ବିବାଦୀୟ ଜମିର ୨ ତୃତୀୟାଂଶ ହିନ୍ଦୁମାନଙ୍କୁ ଓ ଏକ ତୃତୀୟାଂଶ ମୁସଲମାନମାନଙ୍କୁ ଦେଇଥିଲେ। ତେବେ ଏହି ରାୟ ବିରୋଧରେ ସୁନ୍ନି ଓ୍ଵକ୍ଫ ବୋର୍ଡ ବିରୋଧ କରିଥିଲା । କାରଣ ଜମି ମୁସଲମାନମାନଙ୍କୁ ଦିଆଯାଇଥିଲା, ସୁନ୍ନି ଓ୍ଵକ୍ଫ ବୋର୍ଡକୁ ନୁହେଁ। ତା ପରଠାରୁ ଏହି ମାମଲା ୨୦୧୦ରୁ ୨୦୧୭ ଯାଏ ଶୁଣାଣି ହୋଇ ନ ଥିଳା।
ସେହିପରି ସ୍ୱାମୀ କହିଥିଲେ ଯେ ଭାରତୀୟ ପ୍ରତ୍ନତାତ୍ତ୍ୱିକ ସଂସ୍ଥା ବିବାଦୀୟ ଜମିରେ ଏକ ମନ୍ଦିର ଥିବାର ପ୍ରମାଣ ଦେଇ ସାରିଛି।
Prasanta Patnaik