ମୋବାଇଲ, ଚେନ ଝାମ୍ପୁଥିଲେ, ଗଛରେ ବାନ୍ଧିଦେଲେ ଗ୍ରାମବାସୀ

କେନ୍ଦ୍ରାପଡ଼ା :  ନାବାଳକ ଚୋରଙ୍କୁ ଗଛରେ ବାନ୍ଧିଲେ ଗ୍ରାମବାସୀ । କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ନିଳିକଣା ଗ୍ରାମରେ ରାତି ଅଧରେ ଚୋରି କରୁଥିବା ବେଳେ ଚୋରକୁ ଧରି ଗଛରେ ବାନ୍ଧି ଦେଲେ ଗ୍ରାମବାସୀ।  ଏହି  ଚୋର ମାନେ ଝରକା ବାଟେ ମୋବାଇଲ, ସୁନା ଚେନ ଆଦି ଝାମ୍ପି ନେଇ ଯାଉଥିଲେ।

ଏ ଅଞ୍ଚଳରେ ବାରମ୍ବାର ଚୋରି ହେଉଥିବା ବେଳେ ଗାଁ ଲୋକ ମାନେ ଜଗି ଜଣକୁ ଧରି ଥିଲେ । ତାଙ୍କୁ ପଚରା ଉଚରା କଲା ପରେ ଏହି ଗ୍ୟାଙ୍ଗରେ ଆଉ ୩ ଜଣ ନାବାଳକ ପିଲା ଥିବା ଜଣା ପଡିଥିଲା ।  ଆଖ ପାଖ ଗାଁ ର ଲୋକ ମାନେ ସମସ୍ତ ୪ ଜଣଙ୍କୁ କାବୁ କରି ଗଛରେ ବାନ୍ଧି ଦେଇ ପୁଲିସ କୁ ଖବର ଦେଇଥିଲେ।  ପୁଲିସ ପହଞ୍ଚି ୪ ଜଣଙ୍କୁ ଉଦ୍ଧାର କରି ଗିରଫ କରିଥିଲା